EBALUAZIOA, KLINIKA ETA OSASUNA

Ikerketa-helburuen deskribapen laburra

Pertsonen arazo psikologikoei aurre egiteko erabiltzen diren eredu psikoterapeutikoen oinarri teoriko-kontzeptualak, estrategia metodologikoak eta esku hartzeko teknikak ikertu eta aztertu nahi dira. Esku hartze psikologikoen efikazia/eraginkortasun mailak eta mugak ezarri nahi dira, arrakasta terapeutikoan eragina duten osagaiak eta horiek konbinatzeko modurik onena proposatu ahal izateko, esku hartze psikoterapeutikoak hobetzeko, gaitzaren espezifikotasunaren edo bezeroa eredu terapeutiko jakin batera egokitzeko profilaren arabera. Interesa du, halaber, esku hartze psikologikoen garapena eta arrakasta eta/edo gizabanakoen hazkundea, autonomia eta ongizate emozionala azaltzeko aukera ematen duten banakako edo testuinguruko mekanismoetan.

Helburu horiei estaldura emateko, jarduera hiru ikerrildoren bidez planteatzen da:
- Testuinguru klinikoetan eta osasunean ebaluazio psikologikoa egiteko eredu integratuak
- Esku hartze psikoterapeutikoen efikazia/eraginkortasuna ebaluatzea
- Pertsonen eskema kognitibo-emozionalak ikertzea eta osasun-emaitzetan duen eragina

Ikerrildoak

- Osasun/gaixotasun prozesuen emaitzen ebaluazioa
- Psikologiako ebaluazioko tresna eta metodologien garapena
- Ongizatea eta osasuna erakundeetan
- Substantziarik gabeko adikzioak eta lotutako prozesu kognitibo-emozionalak eta erlazionalak
- Adineko pertsonen osasuna eta bizi kalitatea