Doktorego EskolaIkerkuntza

Doktorego aurreko prestakuntza Unibertsitateko taldeen bikaintasuneko ikerketaren bidez sustatzen da, eragin handiko aldizkarietan ekarpen ugari egiten baitituzte, bai eta deialdi lehiakorretan finantzatutako proiektuen bidez ere, Europako Batzordearen Horizonte 2020 eta Horizon Europe barne. Ingurune horrek doktorego tesien kualifikazio alturako beharrezkoak diren gaitasunak eskuratzen laguntzen du.

Doktorego Eskolaren sektorearteko dimentsioak sektore akademikoen eta arlo ekonomiko eta sozial ez-akademikoko beste eragile batzuen arteko ekintza bateratua eta elkarlana eskatzen du. Enpresak, gizarte-erakundeak, ikastetxeak, ospitaleak, museoak eta administrazio publikoak Deustuko Unibertsitatearekin konprometitutako eragileetako batzuk baino ez dira, ikerketa bideratuaren garapenean eta gizartean eragina dutenen artean.

Doktorego Eskolaren nazioarteko izaera da Deustuko Doktorego Programen ezaugarrietako bat. Programa horietan beste herrialde batzuetako ikertzaileek parte hartzen dute maiz. Gainera, prestakuntza jasotzen ari diren ikertzaileentzako jarduera eta aukera sorta zabala da nazioartekotzearen isla: esperientzia praktikoa nazioarteko ikerketa proiektuetan, kongresuetan parte hartzea, ikastaldiak atzerrian, etab.

Deustuko ikerketa diziplinarteko plataformetan eratuta dagoen lehentasunezko arloen inguruan antolatzen da. Ikerketa zentro eta unitateek beren diziplinetatik jarduten dute, ideiak trukatzen dituzte eta metodologien erabilera berritzailea egiten dute, tokiko eta munduko gaiei diziplinarteko ikuspegi batetik heltzeko.

Nahitaezko ikastaroa. Ikerketa aplikatuaren etikari buruzko oinarrizko erreferentzia esparru bat eskaintzen dio norberaren jakintza-arloan. Helburua da ikerketak eskatzen dituen estandar etikoak aztertzea eta sakontzea, baita dagozkion esparru, betebehar eta arau etiko eta legalak ere.

Doktorego Eskolak urtero ikastaroen eskaintza programatzen du (zeharkakoak eta berariazkoak). Ikastaro bakoitzak 10-30 ordu bitarteko iraupena izango du, ikastaroaren izaeraren arabera. Doktorego Programa osatzeko beharrezkoa da ikastaro horietatik gutxienez sei gaindituta izatea.

Doktoregaiek beren ikerlanak Programako edo antzeko beste programa batzuetako beste parte-hartzaile batzuekin izaten dituzten mintegiak dira, beren lanak ezagutarazteko eta eztabaidatzeko.

• Dedikazio osoko ikasle batek ikasturte bakoitzeko gutxienez hiru mintegitan parte hartu beharko du, eta horietako batean hizlari izango da.
• Lanaldi partzialeko ikasle batek ikasturte bakoitzeko gutxienez bi mintegitan parte hartu beharko du, eta horietako batean hizlari izango da.

Doktoregaiak gutxienez komunikazio bat aurkeztu beharko du doktorego tesia garatzen ari den arloko biltzar zientifiko batean.

Doktoregaiak, gutxienez, artikulu zientifiko bat egin, ebaluatzeko bidali eta dagokion jakintza arloko aldizkari indexatu batean onartzea lortu beharko du.

Egonaldiak DU ez den beste ikerketa-zentroetan eta, ahal dela, atzerrikoetan, doktorego tesiari lotutako ikerlanak egiteko. Egonaldi batek, jardueren banakako erregistroan jasotzeko, gutxienez bi asteko iraupena izan beharko du. Lehentasuna emango zaie 12 asteko edo gehiagoko egonaldiei, nazioarteko aipamena eskuratzeko.