2. Hizkuntza eskakizuna eta beste eskakizun batzuk

Hizkuntza eskakizuna

Titulazio batzuetan onartua izateko baldintza espezifikoak bete behar dira, hizkuntza mailakoak (euskara edo ingelesa, ikasketen arabera) edo beste mota batekoak; horregatik,
dokumentazio gehigarria aurkeztu behar da.

Kasu bakoitzean eskatzen den hizkuntza-maila egiaztatzeko, Europako Kontseiluak ezarritako EEMBren araberako egiaztagiria erantsi beharko da sarrera-eskaerako argibideetan. Laster argitaratuko ditugu 2023-24 ikasturterako argibideak.

Ikasketa batzuetan sartzeko hautaketa-irizpide bereziak

ENPRESEN ADMINISTRAZIO ETA ZUZENDARITZAKO GRADUAREKIN OSATUTAKO PROGRAMAZIO BATERATUAK

Programazio bateratu batean sartuz gero, bi titulu lortzeko ikasketak egiten dira aldi berean; beraz, hori hautatzen duen ikasleak ikasketetan buru-belarri aritzeko gaitasuna eta gogoa izan behar ditu.
- Batxilergoko bigarren maila egiten egon behar da edo eginda eduki, edozein modalitatetan Arteetan izan ezik. Batxilergoko bi ikasturteetan Matematika irakasgaia eginda eduki behar da, nork bere modalitatekoa.
- Enpresen Administrazio eta Zuzendaritzako Gradua + Industria Teknologien Ingeniaritzako Graduan sartzeko beharrezkoa da Batxilergoa Zientzien modalitatean egiten egotea edo egina izatea.
- Gainera, gutxienez ingeleseko B2 maila egiaztatu behar da, Europako Kontseiluak hizkuntzetarako ezarritako Europako Erreferentzia Marko Bateratuaren arabera.
- Eskarmentuak erakutsi digunez, Enpresen Administrazio eta Zuzendaritzako Graduarekin konbinatutako ikasketetan sartzeko, gomendagarria da oso ongi edukitzea batez bestekoan.
- Egoki irudituz gero, Onarpen Batzordeak eskubidea izango du Batxilergoko 2. mailan eskuratutako behin betiko kalifikazioen ikasketa ziurtagiria eskatzea, edo banakako elkarrizketarako deia egitea.

EUSKAL HIZKUNTZA ETA KULTURAKO GRADUA ETA HONEKIN OSATUTAKO PROGRAMAZIO BATERATUAK:

Euskarazko elkarrizketa: helburua da bermatzea hautagaiek maila egokia dutela euskaraz ematen diren irakasgaietan moldatzeko.

ZUZENBIDEKO GRADUA

Zuzenbideko Gradua eta haren programazio bateratuak eta konbinatuak egin nahi dituztenek motibazio gutun bat eta merezimendu pertsonalen ziurtagiriak ere erantsi beharko dituzte.

OHARRA: 

Ikasketa batzuetan sartzeko edo matrikula egiteko  irizpide bereziak daude. Kontsultatu sarrera-eskaerako argibdeetan  "C. Hautaketa-prozesua" atalean.

KONTSULTATU SARRERA PROZESUKO HURRENGO URRATSA:

Non?

Bilboko Campusa
Unibertsitate Etorbidea 24
48007 Bilbo
944 139 061
secretaria.general@deusto.es
Astelehenetik ostiralera 9:00 - 13:00
Astearte eta ostegunetan: 14:30 - 16:00
 
Donostiako Campusa 
Mundaiz 50
20012 - Donostia
secretaria-general.ss@deusto.es
Astelehenetik ostiralera 9:00 - 13:00
Astearte eta ostegunetan: 14:30 - 16:00