Relaciones Internacionales y Diplomacia EmpresarialUnibertsitateko masterra

Tutoretza akademikoak irakasgai bakoitzeko zalantzak eta zailtasunak konpontzera eta irakasgai bakoitzean egin beharreko lanen orientazio eta jarraipenera daude bideratuta.

Irakasgaien tutoretzak: irakasgai bakoitzaren ardura duten irakasleek egiten dituzte, eta irakasleek eskatutako ebaluazio ariketak egitean sortzen diren zalantzak argitzen dituzte. Aurrez aurreko tutoretzen egutegi bat prestatzen da, eta egutegian kontsultatu ahal dira horien datak.

MALen tutoretzak: ikasle bakoitzari esleitutako irakasle-tutoreak egiten ditu, masterraren amaierako lana egiten orientatzeko. Tutoretza horien ordutegiak eta egutegiak aldez aurretik planifikatzen dira irakasle-tutore horrekin. Tutoretza horiek nahitaez egin behar dira.

Unibertsitateak, ikasleei laguntza emateko, badu Unibertsitateko Orientazio Zerbitzua. Hau eskaintzen du:

• Kontsulta psikopedagogiko espezializatua, ikasleak izan ditzakeen zailtasunak tratatzeko.
• Berariazko ikastaroak, ikaskuntza prozesua errazteko eta osatzeko (ikasteko teknikak, antsietatea kontrolatzeko teknikak, jendaurrean hitz egiteko teknikak, enplegua bilatzeko teknikak, etab.).
• Curriculum Egokitzapeneko Unitatea

Premia bereziak dituzten ikasleek Orientazio zerbitzu horren laguntza dute, Masterraren zuzendaritzarekin koordinatuta. Azken hori arduratuko da ikasleak graduondoko tituluaren unibertsitate dinamikan integratu daitezen (irakaskuntza/ikaskuntza, ikerketa, praktikak eta gizarte sarea).

Beste herrialde batzuetatik etorritako ikasleek ere Nazioarteko Harremanetarako Bulegoaren laguntza dute integrazio fasean. Bulego horrek gai hauei buruzko informazioa eta laguntza ematen du etengabe:

• Bisa izapideak
• Bizitzeko baimenak
• Ostatua eta harrera
• Zerbitzu eta aseguru medikoak
• Tokiko zerbitzuak  

Unibertsitateak beste laguntza eta orientazio zerbitzu batzuk ere baditu, hala nola:

• IIBZ (Deustuko Unibertsitateko Ikasteko eta Ikertzeko Baliabideen Zentroa). Liburutegia eta funts bibliografiko guztia biltzen ditu. Ikasteko espazioak ditu, ordenagailu gelak eta liburu espezializatuen bilduma zabala eta askotarikoa. Erabiltzaileei prestakuntza ikastaroak eskaintzen dizkie.
• Deusto Alumni, Deustuko ikasle ohien elkartea.
• Deusto Campus
• Kudeaketak eta izapideak (Idazkaritza Orokorra)
• Beste zerbitzu batzuk