Nazioarteko Harremanak eta Enpresa DiplomaziaUnibertsitate Masterra

Tutoretza akademikoak irakasgai bakoitzeko zalantza eta zailtasunak konpontzera eta irakasgai bakoitzean egin beharreko lanen orientazio eta jarraipenera daude bideratuta.

Irakasgaien tutoretzak: irakasgai bakoitzaren ardura duten irakasleek egiten dituzte, eta irakasleek eskatutako ebaluazio ariketak egitean sortzen diren zalantzak argitzen dituzte. Aurrez aurreko tutoretzen egutegi bat prestatzen da eta egutegian kontsultatu ahal dira horien datak.

MALeko tutoretzak: ikasle bakoitzari esleitutako irakasle tutoreak egiten ditu, masterraren amaierako lanean orientatzeko. Tutoretza horien ordutegiak eta egutegiak aldez aurretik planifikatzen dira irakasle/tutore horrekin. Tutoretza horiek nahitaez egin behar dira.

Unibertsitateak, ikasleei laguntza emateko, badu Unibertsitateko Orientazio Zerbitzua. Hau eskaintzen du:

• Kontsulta psikopedagogiko espezializatua, ikasleak izan ditzakeen zailtasunak tratatzeko.
• Berariazko ikastaroak, ikaskuntza prozesua errazteko eta osatzeko (ikasteko teknikak, antsietatea kontrolatzeko teknikak, jendaurrean hitz egitea, enplegua bilatzeko teknikak, etab.).
• Curriculum Egokitzapeneko Unitatea

Premia bereziak dituzten ikasleek Orientazio zerbitzu horren laguntza dute, Masterraren zuzendaritzarekin koordinatuta. Azken hori arduratuko da ikasleak graduondoko titulu horren unibertsitate dinamikan integratu daitezen (irakaskuntza/ikaskuntza, ikerketa, praktikak eta gizarte sarea).

Beste herrialde batzuetatik etorritako ikasleek ere Nazioarteko Harremanetako Bulegoaren laguntza dute integrazio fasean. Bulego horrek honako hauei buruzko informazioa eta laguntza ematen du etengabe:

• Bisa-izapideak
• Bizileku baimena
• Ostatua eta harrera
• Zerbitzu eta aseguru medikoak
• Tokiko zerbitzuak  

Unibertsitateak beste laguntza eta orientazio zerbitzu batzuk ere baditu, adibidez:

• IIBZ (Deustuko Unibertsitateko Ikasteko eta Ikertzeko Baliabideen Zentroa). Liburutegia eta funts bibliografiko guztia daude bertan. Ikasteko espazioak daude, ordenagailu gelak eta liburu espezializatuen bilduma zabala eta askotarikoa. Erabiltzaileei prestakuntza ikastaroak eskaintzen zaizkie.
• Deusto Alumni, Deustuko Unibertsitateko ikasle ohien elkartea.
• Deusto Campus
• Kudeaketak eta izapideak (Idazkaritza Orokorra)
• Beste zerbitzu batzuk