ikasketa plana | Konputazioa eta Sistema Adimendunak

Informatika Ingeniaritzako Unibertsitate Masterra honetarako diseinatuta dago:

Gaitasunak eta metodologia

Masterra guztiz bat dator Unibertsitateen Idazkaritza Nagusiak emandako jarraibide eta gomendioekin (2009ko abuztuaren 4ko BOE, 187. zk.), zeinen bidez titulu ofizialen unibertsitate irakaskuntzen antolamendua ezartzen baita.

Gaitasunak

Metodologia

Master honek informatikako ingeniariaren berariazko gaitasunen garapena eta goi mailako edozein unibertsitate tituluri eska dakizkiokeen beste gaitasun generikoak uztartzen ditu. Azken batean, helburua da informazioaren eta komunikazioaren teknologien (IKT) arloan oso profesional trebeak eta trebatuak prestatzea, lanbide eta ikerketa garapenerako orientazio bikoitza izan dezaten, ingeniaritza informatikoan pentsatuta, bai enpresan, bai berrikuntza eta ikerketa zentroetan.

HELBURUAK

Ikasleek honako hauek egin ahal izango dituzte:

Goi mailako gaitasunak eta erantzukizunak eskuratu funtsezko arlo teknologikoetan, baita ezagutza eta gaitasun sendoak ere, enpresen premiekin zuzenean lotuta, testuinguru aldakor batean.
Alderdi tekniko bereizleak garatu, bai eta ingeniaritza informatikoko proiektuak kudeatzeko jardunari lotutako gaitasunak ere, beren erakundeetan ingeniari eskudunak izan daitezen.
Bizitza profesionalerako trantsizio prozesua egin, laguntza pertsonalarekin, eta eskuratutako gaitasunak egokituz.
Enpresa errealitatea ezagutzen duten ingeniari gisa esperientzia izatea, eta, aldi berean, errealitatea eraldatzeko tresna teknologikoak izatea.
Ibilbide profesionalari ekiteko biderik onena aukeratzea, eskainitako ibilbide espezializatuetatik abiatuta, horiek baitira egungo lan merkatuaren aukera nagusiak Ingeniaritza Informatikoaren esparruan.

Ingeniaritza Informatikoa Unibertsitate Masterreko irakaskuntza metodologiaren ezaugarria ikuspegi praktiko bat da. Ikuspegi praktiko horrek informatikako ingeniari lanbidearen errealitatera hurbiltzen ditu ikasleak, bai enpresa arloari dagokionez, bai arlo zientifikoari dagokionez. Izan ere, enpresek irakasgai guztietan parte hartzen dute, irakaskuntzan edo gaikako hitzaldi eta mintegien bidez.

Informatika Ingeniaritzako Unibertsitate Masterra Deustuko Prestakuntza Ereduan oinarriturik dago, eta lehentasunezko helburu du ikaskuntza autonomo eta esanguratsua lortzea, ikaslearen garapen pertsonala bultzatuz bere alderdi guztietan (pertsonala, soziala, etikoa, akademikoa eta profesionala).

Ikasgaiak

Konputazioa eta Sistema Adimendunak

Ikasgai eta Irakasgaiak	Seihilekoa	Consulta guía	ECTS	Mota	Hizkuntza
Big Datarako arkitektura teknologikoa	Deskargatu	S1	6	Nahitaezkoa	es
Konputagailu bidezko ikusmena	Deskargatu	S1	6	Nahitaezkoa	es
Robotika eta automatizazio adimenduna	Deskargatu	S1	6	Nahitaezkoa	es
Errefortzu bidezko ikaskuntza	Deskargatu	S1	6	Hautazkoa	es
Hodei-konputazioa	Deskargatu	S1	6	Hautazkoa	es
Ikaste automatikoa	Deskargatu	S1	6	Hautazkoa	es
Ingeniaritza Biomedikoaren aplikazio aurreratuak	Deskargatu	S1	6	Hautazkoa	es
Intentsifikazio duala 1	Deskargatu	S1	6	Hautazkoa	es
Lan akademikoki gidatua - 6	Deskargatu	S1	6	Hautazkoa	es
Prestazio handiko konputazioaren arkitektura	Deskargatu	S2	6	Nahitaezkoa	es
Testuen meatzaritza eta hizkuntza naturalaren prozesamendua	Deskargatu	S2	6	Nahitaezkoa	es
Adimen Artifizial kuantikoa	Deskargatu	S2	6	Hautazkoa	es
Biki digitalak eta simulazio adimenduna industrian	Deskargatu	S2	6	Hautazkoa	es
Ikasketa sakona eta adimen artifizial sortzailea	Deskargatu	S2	6	Hautazkoa	es
Intentsifikazio duala 1	Deskargatu	S2	6	Hautazkoa	es
Lan akademikoki gidatua - 6	Deskargatu	S2	6	Hautazkoa	es
Praktikak enpresetan	Deskargatu	S2	6	Hautazkoa	en-eu-es
Zibersegurtasuna konputazioan eta sistema adimendunetan	Deskargatu	S2	6	Hautazkoa	es
Master amaierako proiektua	Deskargatu	S2	6	Master amaierako lana	en-eu-es
Master amaierako proiektua (duala)	Deskargatu	S2	6	Master amaierako lana	en-eu-es

IKASI ETA LAN EGIN ALDI BEREANAIPAMEN DUALA

NOLA EGINGO DUT?

Ibilbide hau aukeratzen baduzu eta eskatutako baldintzak betetzen badituzu, ezagutzak eta gaitasunak enpresan eskuratuko dituzu zuzenean eta, aldi berean, masterra egingo duzu. 18 ECTSko prestakuntza duala egin ahal izango duzu.

IKASKUNTZA METODOLOGIAK

Ikasitakoa praktikan jarriko duzu eta ezagutza berriak barneratuko dituzu ikasgelatik kanpo. Unibertsitatean klasea emango dizuten irakasleek eta enpresa laguntzaileetako tutoreek gidatuko zaituzte batera.

EGIN AURRE BENETAKO ERRONKEI ENPRESAN

Masterra amaitu aurretik ,enpresa eta proiektuak ezagutuko dituzu, eta lan-ingurunean azkarrago murgiltzeko aukera izango duzu.

MASTER AMAIERAKO PROIEKTUA

Graduko azken seihilekoan, Gradu Amaierako Proiektua egingo duzu enpresa batean.

INTEGRATU ZAITEZ TALDEETAN

diziplina ugariko lan-taldeetan. 50 enpresa baino gehiago daude Deusto Prestakuntza Duala ekosistemaren barruan.

ORDAINDUTAKO LAN-JARDUERA

Aipamen dualak Deustuko Prestakuntza Dualeko Ereduaren irizpideak eta 822/2021 Errege Dekretuak Aipamen Duala lortzeko eskatzen dituenak betetzen ditu. Horrek esan nahi du unibertsitateko prestakuntza akademikoa eta prestakuntza horrekin zuzenean lotuta dagoen ordaindutako lan-jarduera txandakatzeko modua emango dizun ibilbide bat egingo duzula. Ibilbide horretan sartzen bazara, banakako prestakuntza proiektu bati esker, eta unibertsitateko tutore baten eta enpresako beste baten laguntzari esker, bi munduetan duzun esperientzia ahalik eta gehien aprobetxatu ahal izango duzu. Erakunde laguntzailearen eta ikaslearen arteko lotura juridikoa unibertsitateko prestakuntza dualerako kontratu bidez egingo da, indarrean dagoen legedian araututako moduan (822/2021 Errege Dekretua).

PRESTAKUNTZA DUALERAKO SARBIDEA

IKASLEEN ESLEIPENA

IKASLEAREN JARRAIPENA

IKASLEAREN EBALUAZIOA

Helburua da ikasleen motibazioa eta enpresen interesak ahalik eta gehien bat etortzea. Hala, ikaslea interesatzen zaion enpresa batean sartuko da eta enpresak bere beharrizanetara egokitutako profileko ikaslea izango du. Enpresak egoitzara gonbidatzen dira ikasle guztiei beren enpresaren jarduera ezagutzera emateko eta gradu horretako ikasleentzako prestakuntza planaren berri izateko Horrela, ikasleek enpresak ezagutzen dituzte eta denak baloratzeko beharrezko informazioa dute.

Aipamen dualeko parte-hartzaileak ikasketa-espedientearen arabera hautatuko dira.

Hautaketa egindakoan, ikasleak enpresei esleitzen zaizkie, ikasleen motibazioa eta enpresen interesak ahalik eta gehien uztartzeko. Hala, ikaslea interesatzen zaion enpresara sartuko da eta enpresak haren beharrizanetara egokitutako profileko ikaslea izango du. Horretarako, enpresak unibertsitatera gonbidatzen dira ikasle guztiei beren enpresaren jarduera aurkeztera eta master honetako ikasleentzako prestakuntza plana ezagutzera. Horrela, ikasleek enpresak ezagutzen dituzte eta enpresa guztiak baloratzeko behar duten informazioa dute, eta enpresek parte hartu nahi duten ikasleen profila baloratuko dute. Hautaketa hori irizpide hauetan oinarrituko da:

Parte-hartzaileak proposatutako enpresa eta erakundeei buruz egindako hautaketa-ordena (25 puntu).

Parte-hartzailearen graduko ikasketa-espedientea (50 puntu).

Enpresaren lehentasunari buruzko berariazko motibazio-gutuna eta parte-hartzailearen curriculum vitae osoa (25 puntu).

Onartua izateko, ikasleak arrakastaz pasatu beharko du hautaketa-prozesua enpresa laguntzaileetako batean.

Ikasle bakoitzak bideratzaile akademiko bat eta enpresako bideratzaile bat izango ditu. Aldian-aldian, ikaslearekin elkartuko dira prestakuntza dualaren martxa aztertzeko, aurretiaz ezarritako jardueren bana-banako plana aztertzeko.

Ebaluazioa irakasgaiko irakasleak eta bi bideratzaileek partekatuko dute. Horretara, ikasleak enpresako egonaldian garatu dituen gaitasunak, bana-banako jarduera planaren exekuzioa eta irakasgaiaren gaitasun teknikoak ebaluatuko dira.