Irakaskuntzako prestakuntza Derrigorrezko Bigarren Hezkuntzako, Batxilergoko, Lanbide Heziketa eta Hizkuntza - Unibertsitate Masterra

Ikasleek bi alditan egingo dituzte irakaskuntza praktikak, lehenengo seihilekoan eta bestea bigarrenean. Ikastetxe publikoetan, pribatuetan eta itunpeko ikastetxe pribatuetan egin ahal izango dira, hainbat erakunderekin egindako hitzarmenen arabera: Eusko Jaurlaritza, Kristau Eskola eta Ikastolen Federazioa 

Praktiken prestakuntza programa bost asteko presentziarekin garatzen da ikastetxeetan, baina unibertsitatean bertan osatzen da lan mintegiekin eta tutoretzekin, banaka edo taldeka. Hezkuntza Orientazioa espezialitatea eginez gero, praktikek 7 aste iraungo lukete.

Horretarako, masterrean praktiketako koordinatzailea dago, Unibertsitatearen eta ikastetxeen arteko lotura egingo duena eta prestakuntza prozesu osoari koherentzia emango diona.

Practicumaren gida

Ikasle bakoitzak bi irakasle tutore izango ditu. Alde batetik, praktikak egingo dituen ikastetxeko tutorea, ikaslearen proiektuak irakasleen errealitatean bideragarri egiten lagunduko duena.

Beste alde batetik, Unibertsitateko tutorea, emaitza egokiak bermatzeko beharrezkoa den zorroztasunez eta kalitatez lan egin dezan gidatuko duena. Bi tutoreek lagunduko diote ikasleari, ikasten gidatuz eta ezarritako gaitasunak garatzen lagunduz.