Industria IngeniaritzaUnibertsitate Masterra

Intentsifikazio hori aukeratzen duen ikasleak osorik egin dezake Automozioko Diseinu eta Fabrikazioko Unibertsitate Masterra. Horretarako, 39 kreditu gehiago osatu beharko ditu, eta bi urtean lortuko ditu bi master ofizialak (prestakuntza osagarriak egin behar baditu izan ezik).

Automozioko Diseinu eta Fabrikazioko Unibertsitate Masterra duala da, hau da, masterreko konpetentzien zati bat enpresa batean garatzen da. Master hau sektoreko enpresekin batera diseinatu eta ematen da, eta eskari handia du; beraz, oso lehiakorra izango zara lan-merkatuan.

Taula honetan ageri diren hiru irakasgaiak (18 ECTS kreditu) Industria Antolakuntzako Ingeniaritzako Unibertsitate Masterrean sartzen dira, eta Fakultate berean ematen da. Horrela, ikasleak bi urtetan osa ditzake Industria Ingeniaritzako Unibertsitate Masterra eta Industria Antolakuntzako Ingeniaritzako Unibertsitate Masterra.

Industria Antolakuntzan espezializatutako industria-ingeniaria da gure enpresa laguntzaileek gehien eskatzen duten profiletako bat. Gainera, curriculumetik kanpoko praktikak egiteko aukera izango duzu bigarren urtean.

Helburua trantsizio energetikoarekin eta deskarbonizazio industrialarekin lotutako gaietan sakontzea da. Modalitate dualean garatzen da, eta, beraz, enpresa laguntzaileek proposatutako erronkak taldean konponduz gauzatzen da areagotzearen zati bat, eta beste zatia, masterraren amaierako proiektuarekin batera, banaka amaitzen da enpresa laguntzaileetako batean, erronketako batean sakontzeko.

• Nazioartekoa: nazioarteko unibertsitatea, nazioartean garrantzia duen zentroa. 
• Ikerketa: zentro teknologikoak, Deustotech.
• Practicuma: enpresa laguntzaileak.