Automatizazioa, Elektronika eta Industria KontrolaUnibertsitate Masterra

Master honen bidez, industria modernoak sektoreko profesionalei eskatzen dizkien konpetentziak eman nahi zaizkio ikasleari.

• Master honi esker, Automatizazio, Elektronika eta Industria Kontroleko ingeniariak gai dira etorkizuneko teknologia ulertzeko eta hari etekina ateratzeko.
• Irakaskuntza-programak ingeniari malguak sortzen ditu, fabrikazio- eta automatizazio-teknologiak ongi ezagutzen dituztenak, industriari balio erreala gehituz.
• Masterraren diseinuak aukera ematen dio ikasleari industrian, ikerketan edo doktoretzan oinarritutako karrera profesional bat planteatzeko.
• Ikasleek Industria 4.0ko aktore nagusiak ezagutu eta haiekin bizi dira: teknologia, ikerkuntza, enpresak, erakundeak, ingeniaritza-eskola ofizialak eta ikaskideak.

Unibertsitateko prestakuntzan arrakasta izateko elementu garrantzitsu eta kritikoena ikasleak dira. Haien interesa, konpetentzia eta jarrera ezin dira ordeztu unibertsitateko beste batzuekin. Prestakuntzaren protagonista ikaslea bera da, eta, bigarren mailan, lan-merkatua.

Bestalde, Deustuko Unibertsitateak ongi ezagutzen du inguruko lanaren eta industriaren errealitatea, eta irakasleak adituak dira irakasten dituzten teknologietan, bai interes pertsonalagatik, bai sektoreko enpresen prestakuntza jasotzen dutelako.

Gainera, master honek osagai teknologiko handia du, eta, beraz,
ekipamendua eta laborategiak kritikoak dira ikaslearen prestakuntzan.

Aurreko hiru elementuak —ikasleak + irakasleak + laborategiak— Project Based Learning (PBL) ikuspegiaren barruan integratzen dira ikasgelan. Praktika pedagogiko honen helburua da benetako proiektu praktiko baten bidez irakastea, lankidetzan. Ikasleak
gai tekniko txikiak lantzen ditu proiektu baten ikuspegi globaletik, non irakasgai bat edo batzuk elkarrekin lan egiten duten, irakasleen koordinazioarekin. 

PBL arrakastaz erabiltzen da AEBetako eta Europako erreferentziazko unibertsitateetan.