Industria AntolakuntzaUnibertsitate Masterra

• Moduluen eta irakasgaien irakaskuntza-ikaskuntza ereduak Deustuko Prestakuntza Ereduari (ELD) jarraitzen dio. Ikaskuntza autonomo eta esanguratsu bat sustatu nahi da, ikasleen garapen integrala bultzatuko duena arlo guztietan (pertsonala, soziala, etikoa, akademikoa eta profesionala).
• Industria Antolakuntzako Ingeniaritzaren alderdi praktikoak garatzera dago bideratuta, teknikarik berritzaileenak erabiliz.

Konpetentzia orokorrak  

• Ahozko komunikazioa 
• Idatzizko komunikazioa    
• Ikasketarako orientazioa   
• Arazoak konpontzea  
• Zentzu etikoa   
• Talde-lana

Konpetentzia zehatzak

• Enpresaren kudeaketa integratua: Enpresa ikuspegi integral batetik kudeatzea, estrategiak sustatuz eta behar diren pertsonak eta baliabideak antolatuz, haren lehiakortasuna hobetzeko eta partaide sozialentzat balioa sortzeko.
•     
• Enpresaren lege-esparrua: Lanbide horretan eta ingurune lehiakor eta globalizatu batean, edozein enpresa-erakunde arautzeko lege-esparrua deskribatzea eta integratzea.
• Jasangarritasuna: Enpresako ingurumen-arazoak ulertzea, aztertzea, ustiatzea eta kudeatzea, garapen jasangarriarekiko erantzukizun zabalago baten barruan.
• Enpresen informazio-sistemak: Erabakiak hartzeko informazio garrantzitsua bilatu, kudeatu eta aztertzea, bai eta enpresetako informazio-sistemak ulertu eta erabiltzea ere.
• Industria-instalazioak: Industria-instalazioak proiektatu eta diseinatzea, kontuan hatuz alderdi arauemaileak, segurtasunekoak eta kalitatekoak.
• Industria Estatistika Aurreratua: Teknika kuantitatibo eta estatistiko aurreratuak konparatu eta ebaluatzea, eta lehendik dauden informazio-sistemekin integratzea.    
• Proiektuak kudeatzeko tresnak: Proiektuen kudeaketari dagozkion teoriak, metodoak, teknikak eta tresnak identifikatu eta aplikatzea.   
• Proiektuen zuzendaritza: Industria Antolakuntzako Ingeniaritzako proiektu integral bat prestatu, aurkeztu eta defendatzea, ikasitako konpetentziak laburbilduz.
• Kate logistikoa: Hornitzaileak hautatu eta ebaluatzeko teknikak identifikatzea eta enpresa baten kate logistikoarekin zerikusia duten erabakiak aztertzea.

ARRETA PERTSONALIZATUA

Tituluak zuzendari bat du, garapen akademiko egokia bermatzeko eta ikasleei etengabeko laguntza eta orientazioa emateko.

Arreta pertsonalizatua Masterreko tutorean ere oinarritzen da. Gainera, irakasleen konpromisoa da ikasleek egiten duten lanaren eta lortzen dituzten emaitzen jarraipen ahalik eta banakakoena egiteko. Hala, eskolak emango dizkizuten irakasleek eta enpresa laguntzaileen tutoreek elkarrekin gidatuko zaituzte.

Tutoretza presentzialak nahiz birtualak (online ikaskuntza-plataformaren eta bideokonferentzia-sistemaren bidez) funtsezkoak dira ikasteko aukerak optimizatzeko eta ikasketetan ahalik eta errendimendu handiena lortzeko.

UNIBERTSITATEKO ORIENTAZIO-ZERBITZUA

Gainera, Unibertsitateak, ikasleei laguntzeko, Orientazio Zerbitzu Orokorra du, kontsulta psikopedagogiko espezializatua ematen duena, ikasleak izan ditzakeen zailtasunak tratatzeko, bai eta ikas-prozesua errazteko eta osatzeko ikastaro espezializatuak (ikasketa-teknikak, antsietatea kontrolatzeko teknikak, jendaurrean hitz egitea, lana bilatzeko teknikak, etab.) eta Curriculuma Egokitzeko Unitatea ere.

Premia bereziak dituzten ikasleek Orientazio Zerbitzu honen laguntza dute, Masterreko zuzendaritzarekin koordinatuta, eta bera arduratuko da ikasle horiek behar bezala integratzeaz unibertsitateko dinamikan (irakaskuntza/ikaskuntza, ikerkuntza, praktikak eta gizarte-sarea).

Nazioarteko Harremanetarako Bulegoa

Beste herrialde batzuetatik datozen ikasleek ere Nazioarteko Harremanetarako Bulegoaren laguntza dute integrazio-fase honetan, eta informazio eta laguntza jarraitua ematen du gai hauei buruz:

• Bisatuen tramiteak
• Bizileku-baimenak
• Ostatua
• Zerbitzu eta aseguru medikoak
• Tokiko zerbitzuak

BESTE ZERBITZU BATZUK

Unibertsitateak beste laguntza- eta orientazio-zerbitzu batzuk ere baditu:

• Liburutegia erabiltzeko orientazio-ikastaroak
• Laneratzeko Zerbitzu Integrala (Deusto Alumni)
• Gizarte Laneko Zerbitzua
• Bestelakoak