Gizartean esku hartzearen PsikologiaUnibertsitate Masterra

Programan onartua izan ondoren, onarpen gutunarekin batera, hau jasotzen du ikasleak:

• Matrikula egiteko prozesuari buruzko informazioa, matrikula egiteko epea eta ordutegia eta erantsi behar dokumentazioa.
• Jakintzagaien eskaintzaren inguruko informazioa
• Ikasgidak
• Aurrez aurreko tutoretzen ordutegia
• Online tutoretzen prozedura
• Eskura dauden unibertsitateko espazio eta baliabideak
• ALUD2 plataformaren erabilerari buruzko prestakuntza
• Klaseen urteko egutegia eta aurreikusitako ebaluazio epeena

Programaren zuzendaritzak eskolako lehenengo egunean harrera egiten die ikasleei. Harrerako saio horretan hau egiten da: Unibertsitatearen aurkezpena, baita zerbitzu guztiena (liburutegia, Deusto Campus, Orientazio Zerbitzua, Gizarte Laneko Zerbitzua, Idazkaritza, Dekanotza, etab.) eta programaren inguruko xehetasunena ere.

Unibertsitateak, ikasleei laguntza emateko, badu Unibertsitateko Orientazio Zerbitzua. Hau eskaintzen du:

• Kontsulta psikopedagogiko espezializatua, ikasleak izan ditzakeen zailtasunak tratatzeko.
• Berariazko ikastaroak, ikaskuntza prozesua errazteko eta osatzeko (ikasteko teknikak, antsietatea kontrolatzeko teknikak, jendaurrean hitz egiteko teknikak, enplegua bilatzeko teknikak, etab.
• Curriculum Egokitzapeneko Unitatea

Premia bereziak dituzten ikasleek Orientazio zerbitzu horren babesa dute, Masterraren zuzendaritzarekin koordinatuta. Azken hori arduratuko da ikasleak graduondoko titulu horren unibertsitate dinamikan integratu daitezen (irakaskuntza/ikaskuntza, ikerketa, praktikak eta gizarte sarea).

Beste herrialde batzuetatik datozen ikasleek Nazioarteko Harremanetako Bulegoa dute lagun integrazio fasean: informazioa eta etengabeko laguntza ematen die bisatuak izapidetzeko eta bizileku-baimena lortzeko, baita ostatua, zerbitzuak eta aseguru medikoak eta tokiko zerbitzuak lortzeko ere.

Ikasteko eta Ikertzeko Baliabideen Zentroa titulazio guztietarako liburutegi zentralizatua da, ikasleei, ikertzaileei eta irakasleei zerbitzua eskaintzen diena. Instalazio hauek ditu:

• 9.536 m2 funtsetarako, haietatik 1.600 m2 jendearen eskura dauden funtsei eskainitakoak dira.
• Irakurtzeko 3 gela, 750 posturekin.
• Talde lanerako 12 gela.
• Ikasleentzako 12 gela mintegietarako.
• 33 carrel 66 ikertzailerentzat.

Baditu beste baliabide batzuk ere: multimedia gela 18 posturekin, mediateka, erreferentzia gela 80 posturekin, 68 plazako aparkalekua eta kafetegia eta jantokia. Ekipamendu teknologiko osoa du, wifia barne, eraikin guztian.

9.000 m2 erabilgarri ditu eta 1.307 postu irakurtzeko. Guztira 997.153 bolumen ditu, euretatik 13.734 paperean dauden aldizkako argitalpenak dira. Baliabide elektronikoak (monografiak, aldizkako argitalpenak eta datu baseak) 1.624 dira guztira.

Deustuko Unibertsitateko liburutegia, Bilboko eta Donostiako campusetan, AENORek auditatu du UNE-EN ISO 9001:2000 arauaren Kalitatearen Kudeaketa Sistemaren Jarraipeneko II. Auditorian, 2007an eta emaitza konforme izan da.

Bilboko campusak ordenagailuen 4 gela ditu ikasleek erabiltzeko; guztira, 256 ordenagailu ditu instalatuta 509,12 m2-tan. Gainera, beste gela batzuk ere baditu, Ingeniaritza Fakultateari dagozkionak, premiarik izanez gero eskura izan daitezkeenak. Wifi sarbidea ere badu ia espazio guztietan.

Web orri korporatiboa ere badu 30 azpiegoitzarekin, ikasleentzako estraneta, ikasle berrientzako beste bat, berariaz sortua, Unibertsitatera sartzeko behar den informazio guztiarekin: sarrera eskaera, informazioa eta elkarrizketak.

Ikasleek behin-behineko kalifikazioak SMS bidez jasotzen dituzte, ikasleen estranetean eta posta elektronikoko kontuan telefono zenbakia emanda.

Masterrean zehar, Deustuko Unibertsitateko Alud online plataforma erabiliko da, baliabideak eta dokumentazioa eskura izateko eta ikaskuntza prozesuaren jarraipena egiteko tutoretzen bidez.

Horrela, ikasleak hau egin ahal izango du:

• Hainbat eratako materialetara eta baliabideetara jo: testuak, bideoak, webak….
• Taldeak osatu elkarlanean aritzeko
• Irakasleekin eta tutoreekin harremanetan egon
• Interes orokorreko informazioa jaso masterraren zuzendaritzatik, parte hartzaile guztientzat.

Deusto Alumni

Ostatua eta harrera

Deusto Campus (Fedea, Elkartasuna, Kultura eta Kirola)

Kudeaketak eta tramiteak