FinantzetakoUnibertsitate Masterra

Irakasgai askotan (Errenta Finkoa, Errenta Aldakorra edo Finantza-tresna eratorriak, besteak beste), simulazioak egingo dira baldintza errealetan, jardunean ari diren profesionalek gidatuta. Saio horietan, esleitutako funtsen kudeaketa propioaren simulazioaz gain, hirugarrenen aurrean kontuak ematea ere egingo da. 

Lanbidera begirako masterra denez, ikuspegi praktikoa agerikoa izan behar da irakasgai guztien garapenean.

Masterrean erabiltzen diren metodologiak: 

• Bideoak, filmen zatiak eta hautatutako dokumentalak ikusi, hausnartu eta eztabaidatu.
• Irakasleak edukiekin eta garatu beharreko gaitasunekin lotutako alderdi teoriko nagusienak aurkeztu.
• Finantzen kudeaketaren azalpena profesionalen eskutik, zenbait kasu eta benetako esperientzia jarririk.
• Irakasleak gidatutako eztabaidak.

• Albisteen analisia.
• Eskema eta grafikoak prestatzea.
• Txostenak egitea.
• Idatzizko lanak aurkeztea.
• Materialen (liburuak, artikuluak, etab.) irakurketa, analisia eta eztabaida.
• Ariketa eta eragiketen ebazpena.
• Benetako kasu praktikoak aztertzea, egitea, aurkeztea eta eztabaidatzea.
• Bakarkako eta taldeko lanak egitea eta aurkeztea.
• Interneten garrantzizko informazioa bilatzea eta datu baseak maneiatzea.
• Zorroen kudeaketaren simulazioa datu errealekin eta hartutako erabakien aurkezpena eta justifikazioa.
• Bisitaldiak enpresa eta/edo erakundeetara.
• Bakarkako edo taldeko tutoretzak, gainbegiratzera eta lanen jarraipena egitera bideratuak.

Master amaierako lana proiektu pertsonala da. Masterrean zein eduki eta berariazko gaitasun landu nahi dituzun erabakiko duzu, lanaren zuzendariak aurretiaz onartuta.

Izaera praktikoko lana izan daiteke, benetako arazo bat konpontzen duena, edo izaera teorikokoa, garatutako gaietariko baten inguruko ikerlan bat. Halakoetan, originaltasun elementuak erakutsi beharko ditu dauden lanen inguruan.

Eduki, aurkezpen, bibliografia, eta abarri buruzko baldintza egokiak izan beharko ditu, baita master amaierako lan bati eskatu beharreko zorroztasun akademikoa ere. Amaitzean, horretarako izendatutako epaimahai baten aurrean, lanaren aurkezpena eta defentsa egin beharko da.