Giza eskubideak eta demokratizazioaUnibertsitate Masterra

Baterako programa

EMAn, mugikortasun geografikoa % 100 da, lehen seihilekoa Venezian garatzen baita.

Lehen seihileko honetan, gainera, ikasleak aukera izango du astebetez Kosovora joateko, gatazka osteko herrialde batean giza eskubideen eta demokratizazioaren egoera ezagutzeko.

Eta, bigarren seihilekoan, parte-hartzaile bakoitzak bere ikerketa-lana egin beharko du Europako 27 herrialdetako unibertsitate parte hartzaile batean, nahitaez ikaslea nazionala ez den estatu batean: Austria, Belgika, Bulgaria, Zipre, Txekiar Errepublika, Danimarka, Estonia, Finlandia, Frantzia, Alemania, Grezia, Hungaria, Irlanda, Italia, Letonia, Lituania, Luxenburgo, Malta, Polonia, Portugal, Errumania, Eslovakia, Eslovenia, Espainia, Suedia, Herbehereak, Erresuma Batua.

Informazio gehiago

Aliantzak

Sarea osatzen duten erakunde akademikoez gain, EMAren aliatu ospetsuenak Europar Batasuna, Italiako agintari nazionalak eta tokikoak, giza eskubideen eta demokratizazioaren nazioarteko erakundeak eta gobernuz kanpoko erakundeak dira.

EMA Europar Batasunak finantzatzen du, EIDHR - Demokraziarako eta Giza Eskubideetarako Europako Tresnaren bidez, eta Veneziako Udalaren eta Venetoko Eskualdearen babesa du. EMAk honako erakunde hauekin ditu aliantzak: UNESCO, UNDP, Veneziako Biennale, Europako Kontseilua, OSCE, GTZ, CICR, Human Rights Watch, International Commission of Jurists, IRCT.

Balio erantsia:

Gaur egun, giza eskubideei buruzko kalitatezko masterrak daude, eta EMAk eskaintzen duen balio erantsia honetan datza:

• unibertsitate parte-hartzaileen sareak eta elkartutako erakundeek eskaintzen duten ikuspegi aberatsa
• kide diren 41 unibertsitateek bildutako esperientzia, bai curriculum bateratua egiten, bai metodologia lantzen, bai ikasleak hautatzen eta ebaluatzen,
• Giza eskubideen kultura europarra eratzea, masterrean zehar ikasitakoaren eta bizikidetzaren trinkotasunari esker.
• ikasle ohien sareko lankidetza eta elkartasuna

Ikaslearen profila

EMA giza eskubideen inguruko gradua duten ikasleei zuzenduta dago, hala nola legeen, gizarte-zientzien edo humanitateen titulua dutenei, baldin eta, ahal dela, esperientzia praktikoa badute giza eskubideen arloan, gobernuarteko, gobernuko edo gobernuz kanpoko erakundeetan.

Espediente akademikoa eta giza eskubideen arloan lan egiteko motibazio pertsonala hartuko dira kontuan Ingelesa jakitea ezinbestekoa da, masterreko hizkuntza ofiziala baita. Frantsesa ondo ezagutzea komeni da, saio batzuk hizkuntza horretan ematen baitira.