Automozioko Diseinu eta FabrikazioaUnibertsitate Masterra

Lehen modulu hau duala da, enpresaren errealitatea eta arazoak barrutik ezagutzeko.

Irakasgai bakoitzaren hasieran jardunaldi bat egingo da, eta automozio-enpresa batek erronka bat proposatuko du, ikasleek konpondu beharreko gaiarekin zerikusia duena. Lehenengo egun horren ondoren, eta irakasgaia garatzen den bitartean, ikasleek lanaldi erdia egingo dute erronka ebazten, eta lanaldi erdia Deustuko Unibertsitatean, konpetentziak eta ezagutzak eskuratzen. Irakasgai dual bakoitzaren bukaeran lanaldi bat egingo da enpresa batean, eta ikasle-talde bakoitzak bere ebazpen-proposamena defendatuko du enpresako eta Unibertsitateko kidez osatutako epaimahai baten aurrean.

Automozioaren sektoreak aurrean dituen erronkak ezagutu eta aztertu ondoren, "Automobilgintzako prestakuntza espezialista" izeneko bigarren modulu honek automobilgintzako berariazko teknologietan sakontzen du. Horretarako, irakasgaiak Deustuko Unibertsitatean bakarrik garatuko dira.

"Automozioaren sektoreko intentsifikazioa" izeneko hirugarren modulu honen helburua da azken trantsizioa egitea enpresaren errealitatera, Masterraren aurreko faseetan landutako arlo batean espezializatuz.

Horretarako, Masterreko ikasleak sektoreko enpresa edo zentro teknologikoetara joango dira, eta egun osoko egonaldia egingo dute Masterraren bigarren seihilekoan.

Kasu honetan, irakasgaiak aukerakoak dira eta intentsifikazioa egiten duen enpresaren arabera matrikulatuko da ikaslea.

Master Amaierako Proiektuak 6 kreditu ditu eta bigarren seihilekoan garatzen da. Proiektu horretan sartzen da Automozioko Ingeniaritzaren proiektu integral bat egin, aurkeztu eta defendatzea, Masterrean zehar lortutako konpetentziak laburtuz.