Abokatutza eta Prokuradoretza +
Zerga AholkularitzaUnibertsitate Master bikoitza

Master honek lanbiderako prestatzen duenez eta, batez ere, praktikoa denez, Master amaierako lana ere akademikoki zuzendutako txosten bat izango da. Helburua kasu juridiko praktiko bat izango da, “kanpoko praktiketako” ikaskuntza prozesuaren parte izan dena.

MALean, ikasleak lanean diharduen abokatu batek aukeratutako kasuan aplikatu beharko lituzkeen ezaupideak, trebetasunak eta jarrerak jaso dituela erakutsi beharko du, bai ikuspegi juridikotik (substantibo eta prozesukotik), bai ikuspegi deontologikotik, gaiak halakorik eskatzen badu.

• Garatu beharreko lanarekin lotutako izaera desberdineko iturriak bilatzeko eta aukeratzeko gaitasuna.
• Bibliografia biltzea, garrantzizko iturri eta jurisprudentzia jasota.
• Doktrina egokitasunez tratatzea.
• Prozesuko arazo juridikoei hipotesi egokiak formulatzea.
• Hautemandako arazoei erantzunak ematea, espezialitate juridikoaren arabera.
• Arazoa ebazteko beharrezko tresnak eta prozedurak identifikatzea.

• Kanpoko praktiketan txertatutako gaia aukeratzea eta irakasgai horretako irakasle tutore arduradunari proposatzea. Kontu handiz jokatu beharko du ikasleak, lanbideko sekreturik ez jakinarazteko.
• Erantzun arrazoitua prestatzea, gaiaren inguruko orientazioko tutoretzako prestakuntza saio baten bidez.
• Proposamena tutoreak onartzea. Proposamena baztertzen badu, bigarren aukera bat dago.
• Sortu daitezkeen zalantzak argitzeko eta, halakorik behar izanez gero, lana egiteko interesgarri izan daitezkeen jardunaldi edo biltzarretara joateko gomendioak jasotzeko tutoretzak.
• Idazketa: Ikasleak ezaupideetan sakontzeko egoki diren irakurketak egin beharko ditu.
• Lana irakasle tutoreari aurkeztea eta defenditzea. Irakasleak oniritzia eman beharko dio, lana jendaurrean defenditzeko eta beharrezko aholkuak emango dizkio izapide hori gainditzeko.