Udako campusa Donostia

Popa, rocka, indiea, trapa, technoa... Uda iristen denean, artista handiak batetik bestera
ibiltzen dira eta hiri asko musikaren erritmoan dantzan jartzen dituzte. Galdera bat
sortzen zaigu orduan... Eta zergatik ez dugu geure hirian musika kontzertu bat
antolatzen?
Bihur zaitez egun batez ekitaldiak antolatzen dituen enpresa bateko kide, eta har itzazu
erabaki estrategikoak proiektu hau aurrera eramateko. Musika gustatzen zaizu? Zein
artista edo talde? Nola izango litzateke zeure hirira ekartzea? Eta, batez ere: Ba al
dakizu zer behar den bideragarria izan dadin? Jarri hori guztia praktikan enpresaren
esparruko profesionalen eskutik eta... lortu Sold Out kartela jartzea!
Lekua: Deusto Business Schooleko gelak

Klima aldaketak kezkatzen zaitu? Tailer honetan, klima aldaketari buruzko hainbat erronka planteatuko dizkizute gai hauekin lotuta: komunikazioa (egia vs. fake fenomenoa), nazioarteko harremanak (NBE, gatazkak, migrazioak…), lana eta gizarte hezkuntza (klima aldaketa, garapen jasangarria…). Garapen Jasangarrirako Helburuak (GJH) zeintzuk diren ezagutuko duzu.
Lekua: Gizarte eta Giza Zientzietako gelak

Eta zurea medikuntza bada eta oraindik ez badakizu? Agian, tailer honetan konturatuko zara: ospitale birtuala ezagutuko duzu, baita osasun arloko profesionalak prestatzeko duen erabilgarritasuna ere. Simulatutako ospitale honetan, pazienteekin egindako birsorkuntzak ikusiko dituzu, eredu anatomikoak eta errealitate birtualeko pantaila erraldoiak erabiliz. Gorputza aztertzeko, konstanteak hartzeko edo bihotz-biriketako bizkortze teknikak praktikatu ahal izango dituzu. 
Lekua: Ospitale birtuala eta anatomia laborategia

Badakizu zer-nolako garrantzia duen lankidetzak zure etorkizun profesionalerako hezkuntzaren eta kirolaren esparruan? Spoilerra: handia. Horregatik, tailer honetan izerdia bota beharko duzu taldeko jolas eta erronketan, elkarlanean helburu komun bat lortzeko. Heziketa fisiko, aktibo, inklusibo eta ludikoa zer den jakiteko modurik onena da; izan ere, hemen ikaslea bera da bere ikaskuntzaren protagonista.
Lekua: Kirol anitzeko kantxa

Ondo moldatzen zara adimen artifizialaren mundu berrian? Ezagutzen dituzu edo probatu dituzu ChatGPT edo Midjourney? Badakizu zer den mundu erdia aztoratuta daukan adimen artifizial sortzailea? Tailer honetan ulertuko duzu adimen artifiziala zer den eta nola funtzionatzen duen. Eman izena eta esperimentatu taldean teknologia horietako batzuk eta gainditu erronkak denbora amaitu aurretik. Adimen artifizialak mundua menderatu aurretik, menderatu zeuk adimen artifiziala!
Lekua: ingeniaritzako gelak

Zuzenbidearen mundua ezagutu eta legeek zertarako balio duten jakin nahi duzu? Trivial juridiko batean parte hartzea proposatzen dizugu, tailer praktiko eta parte hartzaile batean, non etengabeko erronkak eta dilemak aurkituko dituzun. Zure eginkizuna? Irtenbide juridiko egokia aurkitzea, campuseko instalazioetan ezkutatuta dauden aukeren artean. Aldez aurretik dinamika bat egingo da taldeka, eta, ondoren, hausnarketa eta bateratze lana egingo da.
Lekua: Foro aretoa