MENUA / Diplomari buruz
Liburuxka eskatuMarkaturiko eremuak akatz bat dute edo ez dira behar bezala bete.
Deustuko Unibertsitateak eta GAUDE elkarteak batera diseinatu, kudeatu eta eskaintzen dute adimen desgaitasuna duten 18 urtetik gorako pertsonei zuzendutako Euskal Autonomia Erkidegoko unibertsitate mailako lehenengo titulu propio hau, Laguntza bidezko enpleguan aritzeko lan trebakuntzarako Unibertsitate Hedapeneko Diploma.
Programaren helburu nagusia hau da: prestakuntza akademiko eta bokaziozkoarekin jarraitu nahi duten eta adimen desgaitasuna duten gazteei enplegurako eta gizarteratzeko eta unibertsitatean txertatzeko goitik beherako prestakuntza eskaintzea, helduarora pasatzea erraztuko dien enplegua bilatzeko, bizi kalitatea eta enplegagarritasuna hobetzeko. Hartara, aukerak zabalduko zaizkie eta bizitza proiektu oso, independente eta asegarria izan ahal izango dute.
PDFa programari buruzko informazio garrantzitsua duena, irakurketa erraztuan
Diploma hau adimen desgaitasunen bat duten pertsonak gaitasunez eta trebetasun funtzionalez hornitzeko sortu da eta, horrela, lan munduan txertatzeko. Titulua garatzeko eta praktikan jartzeko, Hezkuntza eta Kirol Fakultateak GAUDE elkartearekin batera egiten du lan.
Adimen desgaitasuna duten 18 urtetik gorako pertsonei zuzendutako diploma da, derrigorrezko hezkuntzako etapa egin ondoren, langabezian egon eta prestatzen jarraitu nahi dutenentzat, lan merkatuan sartzeko.
Unibertsitate mailako eta desgaitasunak dituzten pertsonen arreta zuzeneko irakasleak. Esperientzia eta trebakuntza zabala dute adimen desgaitasuna duten pertsonek bizi-zikloan izan ditzaketen beharrizanei erantzuteko.
Praktikak enpresetan eta Deustuko Unibertsitateko barruko zerbitzuetan, ikasleek jasotako ezagutza teoriko-praktikoak praktikan jarri ditzaten laneko ohiko testuinguruetan.
Bilboko Campusa
Laguntza bidezko enpleguan aritzeko lan trebakuntzarako Unibertsitate Hedapeneko Diploma
Bi ikasturte - 50 ECTS
Espainiera
15
Presentziala
Sarrera prozesua itxita
Hurrengo edizioa: 2023-24
Lana lortu, independente izan, neure dirua irabazi eta gehiago ikasi nahi dudalako matrikulatu naiz.
Diploma honetan matrikulatu naiz, lagundu egingo didalako nire buruarengan konfiantza handiagoa eta etorkizunari begira aukera gehiago izaten.
Asko gustatzen zait Deustuko Unibertsitatera etortzea, eta gehien gustatzen zaidan arloan lan egiteko graduatu nahi dut.
Bizitzaren berri izateko, pertsona ona izateko eta etorkizun hobea izateko.
Garapen hobea izateko eta gauza gehiago ikasteko eta lana lortzeko.
Lan munduari buruz gehiago ikasi nahi nuke, eta horrela lanpostu ona izan.
Diploman izena eman dut, enpresa batean lan egin ahal izateko esperientzia berriak ikasi eta bizi nahi ditudalako.
Gauza berriak ikasi eta ikasle ona izan nahi dudalako.
Lan ona izateko prestakuntza behar dudalako matrikulatu naiz.
Nire asmoa da lan bizitza hobea eta berdintasunezkoa izateko prestatzea da.
Irakurketa erraztuko dokumentua
2013tik, GAUDE Elkarteak CIVIS programa jarrita du abian, lan trebakuntzarako eta laguntza enpleguan aritzeko. Programa abian jarri zenetik lankidetza ezarri zen Deustuko Unibertsitateko Hezkuntza eta Kirola Fakultatearekin, bi erakundeek elkarrekin lan egin nahi zutelako ikasleak unibertsitate esparruan txerta zitezen eta eskubide beteko herritar eta profesional bihurtzeko aukera izan zezaten.
Hezkuntzako 2/2006 Lege Organikoak hezkuntza etengabeko ikaskuntzatzat hartzen du, bizitza osoan zehar gertatzen dena. Pertsonek aukera dute hezkuntza sistema barruan eta kanpoan prestakuntza jasotzeko, haien gaitasunak, ezagutzak eta trebetasunak eguneratzeko, osatzeko eta zabaltzeko, pertsona eta profesional gisa garatzeko.
2023-2024 ikasturtetik Banco Santanderren laguntza dugu, 12.000 eurokoa.
Irakurketa erraztuko dokumentua
Adimen desgaitasuna duten 18 urtetik gorako pertsonei zuzendutako diploma, derrigorrezko hezkuntzako etapa egin ondoren, langabezian egon eta prestatzen jarraitu nahi dutenentzat, lan merkatuan sartzeko.
Universidad de Deusto / Deustuko Unibertsitatea
Unibertsitate etorbidea, 24 48007 Bilbao
Tel.: 944 139 203
diploma.capacitacionlaboral@deusto.es