Turismoko Gradua+ International Trade Skills

Egin hegan zure etorkizunerantz

Turismoa bidaiatzea baino askoz gehiago da. Prestatu ez ezik, harrapatu ere egiten zaitu. Nazioarteko harremanen mundua da, jasangarri izateko modua ematen du, digitala eta sortzailea izatekoa, azkar aldatzen diren taldeak eta joerak lantzekoa eta gidatzekoa. 

Nola uztartu jasangarritasuna eta errentagarritasuna? Nola eragiten dio TikTok programak gure bidaiatzeko moduari? Nola erabil dezakegu adimen artifiziala turismoan? Nola bateratu daitezke ingurumena zaintzeko interesa eta tokiko enpresena? 

Deustuko Unibertsitatean prestakuntza emango dizugu profesional kritiko bihurtu zaitezen eta turismoan – eta askoz haratago – zure bidea aurki dezazun.

Ibilbide berria

Marketin digitala, merkatuen adimena, jasangarritasuna, datuen kudeaketa, gobernantza edo esperientzien diseinua: gai berriek bidea zabaltzen dute, egun, talentuaren eskaerari aurre egiteko. Leku bat helmuga turistiko bihurtzen eta turistak erakartzen dituzten esperientziak diseinatzen ikasiko duzu.

Bidelagunik onenak

Ikasketa plan berria turismo arloko enpresa eta erakundeekin lankidetzan diseinatu da. Benetako enpresentzako benetako proiektuetan lan egingo duzu. Gainera, praktikan gauzek nola funtzionatzen duten ikasiko duzu, enpresetara bisitak, irteera profesionalak eta praktikak eginez.

Bidaia digitala, jasangarria eta inklusiboa

Bezeroen esperientziak hobetzeko orduan, teknologiak turismoaren sektorean zer egin dezakeen ikusiko duzu. Bidaia-esperientzia sinestezinak diseinatuko dituzu, eta, aldi berean, ingurune naturalekiko eta tokiko biztanleekiko errespetuzkoak eta pertsona guztientzakoak. 

Nazioarteko bidaia

Sektore gutxi dira turismoa bezain nazioartekoak. Horregatik irakasten dizugu beste kultura eta ohitura batzuk errespetatuz lan egiten. Gaztelaniaz, ingelesez eta euskaraz (aukeran) lan egiten ikasiko duzu, baita laugarren hizkuntza batean ere (frantsesa, alemana edo txinera). Interesgarria dirudi? Begiratu gure ikasketa plana.