Aholkulari, orientatzaile, talde dinamizatzaile, bitartekari edo terapeuta modura, gizabanakoaren adin eta eremu guztietan.
Jarduera arloak
- Osasun zerbitzuak eta osasun zentroak: ospitale orokorrak eta psikiatrikoak, osasun mentaleko zentroak, errehabilitaziokoak, lehen mailako arretakoak, ingurune soziosanitarioak, unitate geriatrikoak, haurrenak, minarenak, zainketa aringarrienak, unitate neurologiko eta onkologikoak eta kabinete psikologikoak.
- Hezkuntza erakunde formalak eta ez-formalak, haurren eta garapenaren psikologiarekin eta eskola psikologiarekin lotutakoak.
- Ekimen pribatuko zerbitzu komunitarioak edo administrazio publikoei lotutakoak (Foru Aldundia, Eusko Jaurlaritza, Udala): Komunitate terapeutikoak, adingabeentzako edo adinekoentzako egoitza zentroak, harrera zentroak, gazteen zerbitzuak, tratu txarren biktimei arreta emateko zerbitzuak, desgaitasunak dituzten pertsonei arreta emateko zerbitzuak.