MENUA / Praktikak eta lan-irteerak
Liburuxka eskatu
Markaturiko eremuak akatz bat dute edo ez dira behar bezala bete.
Osatu zure gradua hauekin
MENUA / Praktikak eta lan-irteerakLiburuxka eskatuMarkaturiko eremuak akatz bat dute edo ez dira behar bezala bete.
Osatu zure gradua hauekin
Kudeaketa, Hizkuntzak eta Nazioarteko Merkataritzako Graduaren baitan, kanpoko praktiken programa bat dago eta ikasleen %100ek nahitaez egin behar dituzte kanpoko praktikak 4. ikasturteko bigarren seihilekoan.
Bi tutorek (bat praktikak egiten diren kanpoko erakundekoa eta bestea unibertsitatekoa) ikaslearen jarraipena egiten dute praktikek iraun bitartean, eta txosten bidez ebaluatzen dute lortu diren ala ez praktika horri esleitutako konpetentzia orokorrak nahiz espezifikoak.
Praktikak hainbat sektoretako enpresa, erakunde eta entitate publiko nahiz pribatuetan egiten dira. Lehen lan-esperientzia hau erakusleiho ezin hobea da lan-gaitasunak erakutsi eta curriculum vitaea aberasteko.
Ikasturte bakoitzean praktika-hitzarmen berriak kudeatzen dira enpresekin, interesa duten ikasleek esperientzia horretaz gozatzeko aukera izan dezaten. Enpresetan eta erakundeetan praktikak egiteko aukerak ugari dira, eta ingurune ekonomiko aldakorrera egokitzen dira.
Ikasgelako ikasketa teoriko eta praktikoen osagarri dira.
Ikasleek lanbidearen metodologia ezagutuko dute, ikasitakoa kontrastatuz eta aplikatuz.
Enpresa eta erakundeetan sozializatzen laguntzen du bertako kideekiko elkarbizitzak.
Ikasleen konpetentzia teknikoak, metodologikoak, pertsonalak eta parte-hartzaileak garatzen laguntzen dute.
Ikasleen dohainak zabaldu eta lan-merkatuko sarrera errazten dute.
Graduak aukera asko eskaintzen ditu; praktikak egin nituen Ikean, bezeroaren eta giza baliabideen arretan, eta unibertsitatean bertan beka bateki...
LIDLeko praktikak amaitzean, Bartzelonako zentralean kontratatu ninduten mugarik gabe.
Programa honetako ikasleek aukera eman digute gure taldean espiritu ekintzailea duen talentu berria sartzeko
- Erosketak eta logistika
- Administrazioa eta Finantzak
- Marketina
- Salmentak
- Langileen lan-jardunaren ebaluazioak
- Hautaketa-prozesuak eta -analisiak
- Plangintza eta koordinazioa
- Hainbat hizkuntzatan testuak sortzea
- Kultura-inguruneak
- Teknologia berriak
- Ikerketa
Gure ikasle ohiek arrakastaz ekin diete beren laneko ibilbideari hainbat esparru profesionaletan, baita graduondoko prestakuntzan ere.
INFOGRAFIA honetan ikusiko dituzu adibide batzuk.
Deusto Alumni elkarteak lan-merkatura sartzen laguntzen du, bai eta enpleguaren inguruko lege-orientazioa eta -aholkularitza ematen ere. Elkarte horretan, era berean, zure espiritu ekintzailea garatzen laguntzen dizugu eta, nahi baduzu, daukazun enpresa-proiektua gauzatzeko laguntza ere eskaintzen dizugu.
Gainera, DeustuLan Laneratzeko Zentro Integralak laguntza ematen dizu lehenengo lanpostuetan, lan-eremuan dituzun kezka eta prestakuntzaren inguruan aholkatuz. Horrez gain, enplegua bilatzearekin lotutako beste gai batzuetan ere lagunduko dizu, hala nola, lan-elkarrizketa bat prestatzen edo curriculum vitaea egiten.
Osagarri moduan, urtero antolatzen dugu Enplegu Foroa, enpresekin harremanetan jartzeko, curriculuma entregatzeko, aurkezpen, mintegi eta tailerretara joateko eta baita hautatze-prozesuetan parte hartzeko ere.
