OINARRIZKO JAKINTZAK ETA TREBETASUNAK Oinarrizko prestakuntza izango duzu ardatz, oso beharrezkoa komunikazioaren sektorean moldatzeko. Unibertsitate-ikasketei ekiten diezu, horiek batxilergoko ikasketekin uztartuz.
KONPETENTZIAK ETA TREBETASUNAK Komunikatzailearen konpetentziarik bereizgarrienak garatuko dituzu. Diskurtsoak eta testuak aztertzen hasiko zara, hitzezko eta hitzik gabeko komunikazioaren bidez erlazionatzen, zure mezuak hainbat euskarritan sortzen, egungo errealitatea interpretatzen eta horren ikuspegi humanista sustatzen, eta enpresen eta erakundeen kudeaketa ezagutzen eta aplikatzen.
ESPEZIALIZAZIOA ETA KANPOKO PRAKTIKAK Lehen seihilekoan bi espezializazio-bide hauetako bat egingo duzu. Komunikabideak edo enpresa- eta erakunde-komunikazioa. Ibilbidea bukatutakoan, kanpo-praktiketan eta gradu-amaierako lanean erabiliko duzu ikasitakoa.
KOMUNIKABIDEAK Komunikabideen errealitatea ezagutuko duzu, prentsa lantzen ohituko zara, inprimatua edo online, eta edukiak sortuko dituzu, irratirako nahiz telebistarako. ENPRESA- ETA ERAKUNDE-KOMUNIKAZIOA Erakundeetako komunikazioaren planifikazioan eta kudeaketan sakonduko duzu, komunikazio- edo marketin-planak eginez, proiektuak diseinatuz eta horiek garatzeko teknikak eta tresnak erabiliz.
Graduaren 240 ECTSak honela banatzen dira: oinarrizko irakasgaiak, nahitaezkoak, hautazkoak, kanpo-praktikak eta Gradu Amaierako Lana. Irakasgaiak konbina ditzakezu gaztelaniaz, euskaraz edo ingelesez.
Komunikazio Gradu elebiduna aukeran (euskara / gaztelania): Ikasketa-planeko kredituen gutxienez % 40 euskaraz egiten baduzu eta C1 maila duzula akreditatzen baduzu, hizkuntza horretan egin duzun ibilbidea ziurtatuko du Deustuko Unibertsitateak.