Ingeniaritza Biomedikoko Gradua

Cerrar explora esta secciónHamburguesa explora esta secciónMENUA / Salidas profesionales

Elkarrizketa eskatu

Icono formularioLiburuxka eskatu

Markaturiko eremuak akatz bat dute edo ez dira behar bezala bete.

    Onarpena

    Lan irteerak

    Etorkizun handiko karrera profesional baten hasiera

    Ingeniaritza Biomedikoko Gradua gehien eskatzen den karreretako bat da, etorkizuneko lanbideen barruan kokatzen delarik. Michigan Tech erakundearen arabera, medikuen diagnostikoak hirukoiztu egiten dira urtean-urtean merkatu balioan eta medikuntzako irudi eta diagnostikoko aurrerakuntza iraultzaileak izugarri aldatzen ari dira medikuntzan aritzeko modua. Horregatik, Deustuko Unibertsitateak gradu hau jarri du abian ikuspegi berritzaile eta etorkizuneko joerekin lerrokatuta.

    Ingeniaritza Fakultateak harreman estua du enpresa laguntzaileen sare zabal batekin. Hala, ikasleek hurbiletik ezagutzen dituzte lanbidean dauden eskaerak eta beharrizanak. Hori dela eta, gradudunak profesional moldaerrazak dira eta gai dira funtzio ugaritara egokitzeko erakundeen barruan.

    DeustoAlumnik erraztu egingo dizu lan merkatura sartzea. Orientazioa eta lege arloko aholkularitza emango dizu enpleguari lotutako guztian.

    Aditu talde bat dugu, enpleguan eta lan arloko orientazioan 10 urte baino gehiago daramatzana. Graduko azken mailetan hasita, tailer eta jardunaldietan parte hartu ahal izango duzu eta enplegagarritasunaren bana-banako jarraipena egingo dizute.

    Deusto Alumni

    40 urte baino gehiago profesionalak prestatzen

    Deustuko Ingeniaritza

    % 98,4koa da enplegu-tasa Deustuko Ingeniaritzako titulazio guztietan

    % 100ari dira prestakuntzari lotutako enpleguan (ikasi duten arloan lanean)

    Ezagutza orokorretatik espezializaziora

    Praktikak

    null

    Ezagutza orokorretatik espezializaziora

    Praktikak

    Enpresako praktikak funtsezko osagarria dira lanbideko garapenerako.

    Praktikak ziurtatuta daude ikasleen % 100entzat, lanbideko esperientzia izateko, horrek balio handia baitu gero lan merkatuan sartzeko.

    Praktikak 4. mailan izaten dira graduetan eta 5. mailan gradu bikoitzetan, hautazkoak dira eta erakunde laguntzaileko profesional baten tutoretzapean eta Fakultateko irakasle baten laguntzaz egiten dira

     

     

    Gaur egun, Ingeniaritza sektoreko 125 enpresa baino gehiagorekin kudeatzen ditugu praktiketako hitzarmenak.

    Ikasketak amaitzeanGai izango zara...

    Soluzio medikoak eskaintzeko

    Aparatu eta sistema desberdinetako patologiekin lotuta dauden praktika klinikoei aplikatuta, Ingeniaritza Biomedikoko tekniken bidez tratatu daitezkeen arazo medikoak identifikatzeko eta soluzio teknikoak planteatzeko

    Sistema biologikoak ezagutzeko

    laborategiko ikerketa metodo desberdinen emaitzen interpretazioaren bidez, maila molekular, zelular eta histologikoan, biomedikuntzako eta bioteknologiako arazoen konponketan ezagutza horiek aplikatzeko

    Teknologia berriak garatzeko

    adibidez, sentsoreak, robotika eta sareko teknologiak, teleasistentzia eta telemedikuntzarekin lotutako esparru sozio-sanitarioko zerbitzu eta produktuetarako Internet, zerbitzu interaktiboak eta konputazio mugikorra barne

    Produktuak diseinatzeko

    diseinu mekanikoa, (bio)materialen/(bio)fluidoen erabilera jasotzen dituztenak, biobateragarritasuna eta ergonomia teknologikoa bermatuko dituztenak, baita erabiltzailea ardatz hartzen duen diseinua ere

    Adimen artifizialeko metodoak ezartzeko

    Datuen tratamenduko eta adimen artifizialeko algoritmo errazak diseinatu eta ezarriko dituzu, arlo horretara bideratutako prototipatuko eta softwarearen garapeneko plataformak eta tresnak erabiliz.

    Berritzeko

    Ikuspegi berritzailea hartuko duzu, osasunera bideratutako proiektu teknologikoak garatzeko.

    Pertsonen osasunera eta ongizatera bideratutako teknologia berriak

    Etorkizuna eraldatzen duten enpleguak

    null

    Pertsonen osasunera eta ongizatera bideratutako teknologia berriak

    Etorkizuna eraldatzen duten enpleguak

    Imajinatu protesi adimendunak sortzea, gaixotasunak hautematen dituzten gailuak garatzea edo osasun aplikazioak diseinatzea. Aukerak izugarriak dira: ospitaleetatik hasi eta startup-etaraino, karrera honek zientzia pertsonen bizitza hobetzeko eta gizartean benetako eragina izateko erabiltzea ahalbidetzen dizu.

     INFOGRAFIA honetan adibide batzuk ikus ditzakezu

     

    OSASUNERA BIDERATUTAKO INGENIARITZA

    Zertan egin ahal izango duzu lan?

    Diagnostiko, monitorizazio eta terapia medikoko ekipoen enpresetan, ingeniaritzako ezagutza zientifiko, teknologiko eta metodoak osasun esparruan aplikatzen.

    Biomaterial berriak sortu ahal izango dituzu, erredura larriak dituztenentzako inplanteak, esaterako. Gainera, seinale zerebralak edo irudi medikoak prozesatzea erraztuko duen softwarea garatu ahal izango duzu, ehunak birsortzeko eta errefus gutxiago eragingo dituzten biomaterialak lortzeko.

    Instituzio eta kliniketan protesiak edo exoeskeletoak sortzen.

    Osasun zentroetako ekipamenduen eta azpiegituren kudeaketan. 

    • Diagnostikoko ekipamenduak (eskanerrak, ekografoak, “lab on a chip”…).
    • Tratamendu eta errehabilitazioko ekipamenduak (desfibriladoreak, inplanteak, beso robotikoak…).
    • Bizi kalitatea hobetzeko ekipamenduak (teleasistentzia, telemonitorizazioa…).

    Biomedikuntzako I + G + b zentro edo sailetan.

    null