Industria Digitaleko Unibertsitate Gradu Duala

Unibertsitatean klasea emango dizuten irakasleek eta enpresa laguntzaileetako tutoreek gidatuko zaituzte batera. Batzuek eta besteek, koordinatuta, proiektu errealetarako teknologia egokiak ikasi eta aplikatzen dituzula ziurtatuko dute.

Oinarrizko irakasgaiak era presentzialean egingo dituzu. Klaseak arratsaldez izango dituzu unibertsitatean lehenengo eta bigarren seihilekoetan.

• Enpresa batean benetan lan egiten hasiko zara.
• Batxilerretik datozenentzat, prestakuntza duala izango da 2., 3. eta 4. mailetan.
• Goi Mailako Heziketa Ziklo batetik datozenentzat, prestakuntza duala 2. eta 3. mailetan izango da.
• Graduko azken seihilekoan Gradu Amaierako Proiektuan lan egingo duzu enpresa batean.
• Atzerrian seihileko bateko egonaldi bat edo bi egiteko aukera izango duzu, unibertsitatea eta enpresa bateratuz.

SIF400 izeneko hezkuntza soluzioak egitura modularra du eta era askotako produktuak sortzeko modua ematen du. Lantegian, industria prozesuaren fase guztien simulazioa egin ahal izango da: produkzioa, osagaien manipulazioa, logistika, kontrola… horretarako sentsoreak, mikrotxipak, etiketa adimendunak, gauzen Internet, datuak etab. erabiliz. Industria eta informatika bateratzeari esker, makinen arteko harreman horri esker, serie laburrak eraginkortasunez egin ahal izango dira, baita produktu pertsonalizatuak ere, masako industrian izango lukeen antzerako kostuan.

Produkzioaren aldaketa teknologiko horrek guztiak lan egiteko eran ere aldaketa dakar. 4.0 industria berrian ezinbestekoa izango da taldean lan egiten jakitea. Industria, elektronika, informatika eta automatika ingeniaritzetako profesionalek elkarrekin lan egin beharko dute. SIF400 soluzioak graduko ingeniarien promozioei 4.0 industrian arrakastaz aritzeko hain beharrezkoak diren gaitasun horiek garatzeko modua emango die.