Industria Antolaketako Ingeniaritzako gradua

Lehen hiru ikasmailetako irakasgai guztiak gainditu dituzten graduko hirugarren ikasmailako ikasleek egin dezakete aipamenean sartzeko eskaera. Gainera, enpresa laguntzaileetako batean gainditu beharko dute hautaketa prozesua. Salbuespen gisa, hirugarren ikasmailako 6 ECTS kreditu gainditu gabe dituzten ikasleen kasuan, Batzorde Mistoak ikaslearen ibilbide akademikoa ebaluatuko du.

Parte-hartzaileen hautaketa (aurrez deskribatutako baldintzak betez aipamen duala egin nahi duten parte-hartzaileen kopurua eskainitako plaza kopurua baino handiagoa bada) espediente akademikoaren arabera egingo da hertsiki.
Parte-hartzaileak hautatu ondoren, aipamenaren koordinatzaileak prestakuntza-proiektua diseinatuko du erakunde laguntzaileekin batera, espero diren ikaskuntzaren emaitzen arabera.
Gainera, enpresak eta erakundeak aurkeztuko dizkie parte-hartzaileei.

Une horretatik aurrera, erakunde laguntzaileei parte-hartzaileak esleitzeko prozesua hasiko da.
Hirugarren urrats horretan, enpresek baloratuko dute zer profilekin lagundu nahi duten.
Hautaketa hori egiteko irizpide hauetan oinarrituko dira:

• Parte-hartzaileak proposatutako enpresa eta erakundeei buruz egindako hautaketa-ordena (25 puntu).
• Parte-hartzailearen graduko ikasketa-espedientea (50 puntu).
•  Enpresa zer dela-eta lehenetsi duen berariazko motibazio-gutuna eta parte-hartzailearen curriculum vitae osoa (25 puntu).

Prozesuan zehar, enpresek elkarrizketa pertsonala eska dezakete hautagaiekin
, azken esleipena egiteko.

Ikasle bakoitzak bideratzaile akademiko bat eta enpresako bideratzaile bat izango ditu. Aldian-aldian, ikaslearekin elkartuko dira prestakuntza dualaren martxa aztertzeko, aurretiaz ezarritako jardueren bana-banako plana aztertzeko.

Ebaluazioa irakasgaiko irakasleak eta bi bideratzaileek partekatzen dute. Horretara, ikasleak enpresako egonaldian garatu dituen gaitasunak, bana-banako jarduera planaren exekuzioa eta irakasgaiaren gaitasun teknikoak ebaluatuko dira.