Gizarte Hezkuntzako Gradua

Laugarren mailan gradu amaierako lana egingo duzu. Nahitaez egin behar da eta jendaurrean defenditzen da.

Hau erakutsi beharko duzu:

- Gizarte Hezkuntzako titulurako aurreikusita dauden ezagutzak eta gaitasunak lortu dituzula.

- Gizarte Hezkuntzako garrantzizko gai baten inguruan galderak planteatzeko gai zarela.

- Galdera horiei erantzun posible batzuk aurkitzeko sistema zorrotza duzula.

4. mailako matrikula egin ahal izateko, ikasleak gaindituta edo, behintzat, matrikulatuta eduki beharko ditu titulazioko oinarrizko eta nahitaezko irakasgai guztiak.

¿Zertan datza?

Gradu amaierako lana izaera teorikoko , enpirikoko edo aplikatuko lan proiektu bat izaten da, Gizarte Hezkuntzako Graduan dauden esku hartzeko lau ildoetako batekin lotuta (Practicuma egituratzeko erabiltzen diren berdinak).

Gradu amaierako lana eta Practicuma aldi berean egiten dira azken mailan zehar. Horrek asko lagunduko dizu gaia aukeratzen, galderak planteatzen eta ebazteko prozesuekin ohitzen.

¿Zeri buruz?

Zure lana gizartean eta hezkuntzan esku hartzeko lau arlo hauetakoren batekin egongo da lotuta:

- Gizarte zerbitzuak

- Laneratzea

- Aisia, kultura eta garapen komunitarioa

- Herritartasuna 

Teoriko-enpirikoa edo aplikatua

Lana izaera teoriko-enpirikokoa izan daiteke: informazio bibliografikoa edo errealitateko datuak jaso eta azterketa sistematiko bat egin ondoren, Gizarte Hezkuntzan garrantzia duen gai bat zertan den deskribatzen da, konprobatu eta ikerketako arazo edo galderari erantzuna ematen zaio.

Lan aplikatuaren kasuan, errealitatearen analisitik abiatuta eta elkarte zientifiko eta profesionalaren ekarpenekin kontrastatuta, gizartean eta hezkuntzan esku hartzeko proiektuak diseinatu eta/edo ebaluatu egiten dira.