MENUA / Graduari buruz
Liburuxka eskatuMarkaturiko eremuak akatz bat dute edo ez dira behar bezala bete.
Bizi luzetasunak, kronikotasunak eta sedentarismoak areagotu egiten dute egungo eta etorkizuneko osasun arloko eskaria. Hori dela eta, Fisioterapiako graduak arlo eta jardun ildo berriak landu behar ditu, birgaitzeko funtzio esklusibotik harago, eta gaixotasunaren prebentzioa eta osasunaren babesa, iraupena eta sustapena sendotu eta lehenetsi behar dira.
Deustuko Unibertsitateak osasun arloko gradu hau eskaintzen du, eguneroko bizimodua hobetzeko, pertsonen osasuna zaindu, berreskuratu eta sustatzeko bokazioa dutenak modu berritzaile eta eraginkorrean prestatzeko.
Hainbat dira graduko jakintza arloak: osasunaren sustapena, ariketa terapeutikoa, errehabilitazioa, jarduera fisikoa, funtzionaltasuna, gaixotasun kronikoak, kardiobaskularrak, arnasbideetakoak, neurologikoak, traumatologikoak, pediatrikoak, uro-ginekologikoak, kiroletakoak, desgaitasuna duten pertsonak, sortzen ari diren populazioak, hala nola hirugarren adina, osasun mentala, osasun komunitarioa, etab.
Prestakuntza metodologia berritzaileen aldeko apustua egiten dugu, hala nola simulazioaren alde, horretarako ditugu kirol instalazio berriak, ospitale birtual bateko laborategiak eta simulazio espazioak, gaitasunak modu praktikoan eta esperientzialean garatzeko eta eskuratzeko bitarteko egokiak bermatzen baitituzte.
Euskarazko edo gaztelaniazko taldea aukeratu ahal izango duzu. Kasu batean zein bestean, irakasgairen bat ingelesez ere egin ahal izango duzu.
Donostiako Campusa
Fisioterapia
4 urte - 240 ECTS
Espainiera - Euskara - Ingelesa
90 toki (60 gaztelaniazko taldeari esleituta eta 30 euskarazko taldeari)
Presentziala eta dedikazio osokoa
Sarrera prozesua itxita
Praktikak: Nahitaezkoak. 42 ECTS
2023-24 ikasturterako sarrera eskaera egiteko epea 2023ko maiatzaren 18tik ekainaren 2ra egongo da zabalik.
Kontsultatu zure sarrera eskaera idazkaritza birtualaren bitartez egiteko jarraitu beharreko urratsak, aurkeztu behar den dokumentazioa eta ikasketa batzuetan eskatzen diren baldintza gehigarriak.
Simulazioa eta gaitasunen garapen eta integrazioa ahalbidetzen duten laborategiko praktikak bezalako metodologiak dira gure apustua.
01
Deustuko Unibertsitateak berariazko instalazio berriak prestatu ditu Donostiako campuseko Fisioterapiako Gradurako. Espazio berriak izango dituzu, punta-puntako teknologiaz hornituak: errehabilitaziorako gimnasio bat, kontsultategi pribatuak eta ospitale birtuala prestakuntza praktikorako.
02
Fisioterapiako Graduko praktikak funtsezko zutabe dira ezagutza teorikoak eta jasotako gaitasunak praktikan jartzeko eta osatzeko. 2. mailatik aurrera, 1000 ordu baino gehiago egingo dituzu kanpoko praktiketan eta lanbideko jardunera hurbilduko zara.
03
3. mailako bigarren seihilekoan, Fisioterapia beste herrialde batean edo beste autonomia erkidego batean ikasteko aukera izango duzu, Estatu eta Europa mailako ospe handiko unibertsitateekin ditugun truke programei esker.
04
Funtsezkoa deritzogu ikerketa era naturalean txertatzeari, ikasketa planean, Fisioterapiak lanbide zientifiko kualifikatu gisa aurrera egin dezan. Horretarako, ikerketako bi irakasgai eskaintzen dira 1. mailan hasita. Horrela, oinarrizko trebetasunak eta tresnak lortu ahal izango dituzu ikerketan hasieratik.
05
Lanbidearen izaera praktikoa dela eta, unibertsitateko prestakuntzak ere praktikoa eta esperientzian oinarritua izan behar duela uste dugu. Horregatik, metodologia berritzaileen eta esperientzialen aldeko apustua egiten dugu, esaterako, simulazioa eta laborategiko praktikak. Horiei esker, gaitasunak askoz naturalago garatzen eta integratzen dira.
06
Ikasteko giro atsegina edukiko duzu eta bana-banako tutoretza, lehenengo mailatik laugarrenera. Tutoreak orientazioa emango dizu gai akademiko, pertsonal eta/edo lanbidekoetan. Gainera, irakasle taldea beti izango duzu prest ikasketetan sortu dakizukeen edozein gaitan laguntzeko.
Donostiako campuseko Larramendi eraikineko instalazio berrietan zenbait laborategi daude: Biomekanika eta Neurozientzietakoa, Fisiologiakoa eta Anatomia eta Natur Zientzietakoa. Horrez gain, badaude Ospitale Birtuala kontsulta-gunearekin, gimnasio terapeutikoarekin, ospitaleratze eremuarekin eta ZIUko gelarekin (Zainketa Intentsiboetako Unitatea), eta gela teoriko-praktikoak tresneria espezializatuarekin.
Fede-, elkartasun-, kultura- eta kirol-jarduerak
Deustuko Unibertsitatean ikastera bazoaz, gure beken programa erabil dezakezu. Hona hemen horiek eskuratzeko baldintzak, bai eta beste erakunde batzuek sustatutako laguntzak ere.
Zure gradu-ikasketetarako laguntzarik jaso dezakezun jakiteko, beka-simulagailu bat jarri dugu zure eskura, baldintza akademikoak betetzen dituzun jakin dezazun.
Deustuko Unibertsitatea
Mundaiz 50 20012 Donostia
Tel. 943 297 279
fisioterapia@deusto.es
