MENUA 
Liburuxka eskatu
Lehenengo ikasturtetik, harrera-talde bat izango duzu Tutoretza Planaren barruan, Unibertsitatean egokitzen lagunduko dizuna.
Ikasturte bakoitzean tutore bat izango duzu, eta harekin hitz egin ahal izango duzu zure kontuez, behar izanez gero. Matrikulatuta zauden mailan eskolak ematen dituen irakasle bat izan ohi da.
Tutorearen eginkizunak
Tutoreak aholku emango dizu, taldean nahiz banaka, alderdi akademiko, pertsonal eta/edo profesionalen inguruan. Tutorea da zure solaskidea Dekanotzarekin, Idazkaritzarekin eta gainerako irakasleekin, eta, gainera, Fakultateko zure egonaldia hobetzeko asmoz egindako ekintzen kudeatzaile eta laguntzailea da.
Tutorea, azken finean, zure erreferentea da, edonolako arazo edo kezka sortzen zaizunerako (ikasketak, errendimendu akademikoa kaltetzen duen egoera pertsonala, ekimen berriak, hobetzeko proposamenak, etab...)
Tutoretza akademikoak
Gainera, tutoretza akademikoak irakasgai bakoitzaren ardura duten irakasleek egiten dituzte, eta helburua izaten da, bai zalantzak argitzea, bai orientazioa eta jarraipena egitea, irakasgai horretako jarduera eta lanei buruz.
Jakin nahi badituzu ikaslearen arretarako ordutegia eta irakasle bakoitzaren bulego-zenbakia, hemen izango dituzu: irakasle bakoitzari dagokion fitxa.