ENPRESEN ADMINISTRAZIOA ETA ZUZENDARITZAKO GRADUA+ ENPRESEN ADIMEN DIGITALA
+ INTERNATIONAL MANAGEMENT SKILLS
+ BERRIKUNTZA ETA EKINTZAILETZA

4. maila osoan zehar, enpresa batean aipamen dual bat egiteko aukera izango duzu. Enpresa horretan, enpresa kudeaketarekin lotutako hainbat proiekturen gainean lan egingo duzu (marketina, finantzak, giza baliabideak, estrategia...), erabat murgilduta. 

Unibertsitatean eta enpresan prestatuko zara aldi berean eta era integratuan, dualtasuneko ekosistemako eragileen baterako lanari esker. Paper aktiboa izango duzu ikaskuntza prozesuan. Unibertsitateak eta enpresak gainbegiratu eta ebaluatuko dute prozesu osoa. Unibertsitateko bideratzaile bat eta harrerako enpresako beste bat bat izango dituzu.

Programak 15 plaza dual ditu unibertsitateko campus bakoitzean. Plazak hautaketa prozesu baten bidez esleituko dira, eta gutxieneko ikasle kopuru bat egon behar da eskaini ahal izateko. 

Parte hartzaileen hautaketa egiteko irizpide hauek erabiliko dira:

• espediente akademikoa
• curriculum vitaea (formatu librea)
• aipamen dualean zer dela eta parte hartu nahi den azaltzeko berariazko motibazio gutun bat
• elkarrizketa pertsonala aipamenaren koordinatzailearekin

Kontsultatu baremazio irizpideak

• Baterako sortze prozesu batean parte hartuko duzu, enpresan zuzenean murgildurik. 
• Enpresan ikasturte osoan erabat murgilduta egoteari onura aterako diozu.
• Prestakuntza teorikoa eta praktikoa jasoko dituzu (testatu eta zuzenean aplikatu).
• Enpresako jarduera ordaindua izango da eta lanbide arteko gutxieneko soldata jasoko da, dedikazio orduen eta lankidetza hitzarmenaren arabera hainbanatuta.
• Amaitu aurretik hasiko zara lanean, enpresa eta proiektuak ezagutuko dituzu gradua amaitu aurretik.
• Orientazioa emango dizute fakultatean eta enpresan.

Erakunde laguntzaileek hainbat modutan parte hartuko dute aipamena diseinatzen eta ezartzen, eta eragile aktiboak izango dira parte hartzailearen prestakuntza prozesuan.

Hain zuzen ere, unibertsitatea eta enpresak ados jarriko dira aipamena elkarrekin planifikatzeko.

Aipamenean aplikatuko den metodologiak berak, Design Thinking-ak, erakunde laguntzaileen rolaren garrantzia erakusten du, aipamenaren ikaskuntza prozesua modu kooperatibo eta koordinatuan definitzeko orduan.

Gainera, garrantzitsua da aipatzea prozesu osoan zehar baterako tutoretza eta ebaluazioa egiten dutela unibertsitateak eta enpresak, eginkizun horretarako izendatutako bideratzaileen bitartez.

Deustuko Unibertsitateko aipamen dualaren koordinatzailea.  Ikasketa planaren fase dualaren termino orokorrak koordinatzeaz arduratuko den pertsona izango da, parte hartzaileak gaitasunak garatzeko behar dituen baldintzak eta baliabideak garatuko dituela bermatzeko. Aipamen dualaren egunerokotasuna kudeatzeaz arduratuko da, eta, horretarako, harremanak izango ditu enpresetako koordinatzaileekin eta/edo bideratzaileekin, Deustuko Unibertsitateko bideratzaileekin, barruko eta kanpoko irakasleekin eta parte hartzaileekin.

Erakunde laguntzaileko edo enpresaren programa dualeko koordinatzailea. Aipamenean parte hartzen duen erakunde bakoitzak koordinatzaile bat izango du, eta koordinatzaile horrek koordinatuko ditu, aipamen dualaren koordinatzailearekin batera, bere erakundeko egonaldiaren baldintza orokorrak.

Erakunde laguntzaileetako bideratzaileak. Enpresa edo erakunde parte hartzaile bakoitzak pertsona bat izendatu beharko du, harreran hartuko den parte hartzailearen ikaskuntza prozesuaren tutoretza lana egiteko. Bideratzailea erakundeko aditu bat izango da Aipamen Dualaren esparruan garatzen den gai zehatzaren eskumen arloan, eta lan esperientzia egiaztatua izango du. Unibertsitateko bideratzailearekin harreman zuzena izango du.

Deustuko Unibertsitateko bideratzaile akademikoak. Deustuko Unibertsitateko irakasle bat izango da, aipamen dualeko gaietan aditua.

Modalitate dualean emandako irakasgaiko irakasleak. Unibertsitateko irakasle bat izango da, parte hartzailea une bakoitzean garatzen ari den gaitasunen arloko aditua. Irakasleak beharrezkotzat jotzen dituen kasuetan, irakasleak eta/edo kanpoko adituak gonbidatuko dira.

Prestakuntza duala praktikan jartzeko, BATZORDE MISTO bat sortu da, unibertsitateko eta ikasleak hartuko dituzten enpresetako ordezkariek osatua. Koordinazio organo hori prestakuntza dualeko prozesua behar bezala garatzeaz arduratuko da, gorabeherak identifikatuko ditu, konponbideak proposatu ditu eta hobetzeko ekintzen jarraipena egingo du.