MENUA 
Egiaztapen/aldaketa eskaeraren ANECA ebaluazioa
Esteka unibertsitate, zentro eta tituluen erregistrorako (ruct)
Enpresen Administrazio eta Zuzendaritzako Graduan enpresa proiektuak planifikatzen, zuzentzen eta abian jartzen ikasiko duzu. Enpresa bateko arlo guztiak sakon ezagutuko dituzu eta kudeaketa nola egin ulertuko duzu ikuspegi global eta integratzaile batetik, eta sektore eta erakunde ugaritan era askotako betebehar eta erantzukizunak hartzeko prestatuko zara.
Gradu honetan ikusiko duzu nola antolatzen diren finantzak edo nola garatzen den marketineko plana, nola ezartzen den enpresako plan estrategikoa edo nolakoa den pertsonen kudeaketa, besteak beste. Baliabideak eraginkortasunez kudeatzen ikasiko duzu eta enpresaren funtzionamenduari eragiten dioten lege-, ekonomia- eta gizarte-alderdiak aztertu ahal izango dituzu.
Enpresa baten departamentuek nola funtzionatzen duten ezagutu eta departamentu horiek kudeatzen ikasi nahi baduzu; ekonomia eta hizkuntzak, talde-lana eta proiektu berriak garatzea gustuko badituzu; enpresen munduan murgildu nahi baduzu, hauxe duzu zeuretzako moduko gradua.
Zuzendaritzarako trebetasunak nazioarteko enpresa inguruan lan egiteko. % 100 ingelesez eta 2. hizkuntza bat (frantsesa, alemana edo txinera) sartuta.
DONOSTIAKO CAMPUSA
E-commerce, marketin digitala, big data… Negozio aukera berriak sortzea tresna digitalen bidez, aro digitaleko erronkei aurre egiteko.
Ekimena, sormena, lidergoa, proaktibitatea… Negozio-aukerak identifikatu, bilatu eta/edo sortzeko portaera berritzaile eta ekintzaileak.
DONOSTIAKO CAMPUSA
Deustuko Unibertsitateko gradu eta gradu bikoitzetan interesa baduzu, ez galdu antolatu dugun ate irekien jardunaldia.
Otsailaren 11n, larunbata, campusera bertaratzeko eta zure gradua aukeratzen laguntzeko behar duzun informazio guztia lortzeko aukera izango duzu.
Karreran zehar, hainbat aukera izango dituzu hizkuntzak sendotzeko. EAZ Graduko kredituen % 60 baino gehiago ingelesez, eta % 40 baino gehiago euskaraz eskaintzen dugu.
Aukeratu zure hizkuntza-ibilbidea, eta egin zure EAZ Gradu elebiduna edo hirueleduna.
Berria!
*Aldaketa-prozesuaren zain
Deusto Business School-ek AACSB-ren (Association to Advance Collegiate Schools of Business) eta AMBA-ren (Association of MBAs) akreditazioak ditu. Nazioarteko akreditazio horiek enpresa-hezkuntzaren kalitatea eta bikaintasuna aitortzen dute, eta Deusto Business School munduko negozio-eskolarik onenen artean kokatzen dute. Mundu osoko negozio-eskolen %2ak soilik dute AMBA-ren akreditazioa eta %6ak AACSB-rena.
Gure EAZ graduak Euskal Unibertsitate Sistemaren Kalitate Agentziak (Unibasq) emandako nazioartekotzearen aitorpena du.
Ingelesezko eta euskarazko irakasgaien eskaintza zabala, zure hizkuntza-ibilbidea aukera dezazun.
Seihileko oso bat atzerriko unibertsitate batean ikasteko aukera. Aukeratu non, mundu osoko 30 herrialderen artean.
Mundu osotik etorritako ikasleekin esperientziak partekatzeko aukera. Nazioarteko giroa izango duzu gelan 1. mailatik hasita.
Kedge Business School-ekin sinatutako hitzarmenari esker, Graduko azken hiru seihilekoak unibertsitate frantses horretan egin ahal izango dituzu eta, horrela, nazioarteko titulazio bikoitza lortu (plaza mugatuak, irizpide akademikoen arabera esleituak).
01
Klase teorikoak eta kasu praktikoak, ahozko azalpenak, eztabaidak, kudeaketako simulazioak edo enpresetarako bisitak izango dituzu. Hainbat gaitasun landuko dituzu, hala nola talde lana, erabakiak hartzea edo lidergoa, jasangarritasuna, konpromiso etikoa edo erantzukizuna bezalako balioak oinarri harturik.
02
Gradua amaitu aurretik izango duzu laneko lehenengo esperientzia. Enpresako praktikak nahitaezkoak dira eta unibertsitatetik kudeatzen dira. Gainera, lana bilatzera bideratutako mintegietan hartuko duzu parte, lan munduari aurre egin ahal izateko.
03
Enpresetako zuzendariek klasera ekartzen dituzten kasu errealei egingo diezu aurre, enplegu azoketara eta prestakuntzako mintegietara joan ahal izango zara edo hautaketa prozesuetan parte hartuko duzu. Bertatik bertara ezagutuko dituzu inguruko enpresen beharrizanak.
04
ESME Junior Empresa, Deusto Investment Club, Deusto Consulting Club, TEDxUDeusto... fakultateko ikasleek sortutako eta gidatutako elkarteetako batzuk dira. Hainbat proiekturen bidez ikasgelan ikasitakoa praktikan jarri eta zure ekimena garatuko duzu.
05
Ibilbide duala egiteko aukera izango duzu enpresa batean 3. mailako bigarren seihilekoan eta 4. maila osoan. Hartara, enpresa estrategiaren ikuspegi osoa lortuko duzu.
*Toki kopuru mugatua (EAZ graduko eta EAZ + Berrikuntza eta Ekintzailetzako ikasleentzat soilik).
Ibilbide duala egiteko aukera izango duzu enpresa batean 3. mailako bigarren seihilekoan eta 4. maila osoan. Hartara, enpresa estrategiaren ikuspegi osoa lortuko duzu.
*Toki kopuru mugatua (EAZ graduko eta EAZ + Berrikuntza eta Ekintzailetzako ikasleentzat soilik).
**Aldaketa-prozesuaren zain
Deustun taldean egiten dugu lan eta harreman zuzena dugu enpresa askorekin, gelan eta gelatik kanpo.
Balio handia ematen diot irakasleak hurbilak izateari, laguntzeko beti prest izateari. Behar duzunerako tutore batengana jotzeko aukera izatea ere laguntza handia da.
Graduaren zati handi bat ingelesez egiten dugu; alemana ikasten ari naiz eta Txinara joango naiz urte oso batean ikastera. Ezin hobeto datorkigu hori nazioarteko inguruan moldatzeko.
Gauzak beste modu batera aztertzen erakusten digute. Jakin-min handiko pertsonei gomendatzen diet, errutinatik ateratzeko prest egon, gauza berriak bilatu eta erronka berriak nahi dituztenei.
Karreran zehar, garrantzi handia ematen zaie ahozko aurkezpenei, talde lanari, prestakuntza praktikoari… Guztia ez da azterketara mugatzen eta hori izan da niretzat onena.
ESMEn hainbat mailatako ikasleak gaude eta klasean ikasitakoa aplikatzen dugu enpresetarako egiten ditugun proiektuetan. Sekulako erronka da.
Niretzat garrantzi handikoak dira nazioarteko esperientziak. Hego Koreako bidaian enpresak bisitatzeko, mintegietara joateko, eta herrialdea eta bertako kultura ezagutzeko aukera izan genuen.
Graduko azken urtea Shangain eman ahal izatea aukera ikaragarria izan zen. Zure konfort-zonatik irteten zara, esperientzia ahaztezin pila bizitzeko.
Balioei buruzko irakasgaiak errealitatea beste begi batzuekin ikusarazi dit. Konpromisoa, erantzukizuna, ahalegina... Asko ikasi dut.
Batxilergoa (edo baliokidea) egin behar da edozein modalitatetan, Arteetan salbu. Gainera, batxilergoko bi kurtsoetan ezinbestekoa da dagokion modalitateko Matematikako irakasgaiak egitea.
Esperientziak adierazten digunez, EAZko ikasketak egiteko, beharrezkoa da Batxilergoko 1. mailan Oso Ongi (7) edo goragoko batez besteko nota izatea.
Ingeleseko B2 maila egiaztatu behar da kanpoko ziurtagiri baten bidez (First Certificate, Linguaskill, APTIS, Hizkuntza Eskola Ofiziala, etab.).
Gainera, EAZ gradua lortzeko, ikasketak amaitu aurretik, ingeleseko C1 maila egiaztatu beharko da.
Deustuko Unibertsitatean ikastera bazoaz, gure beken programa erabil dezakezu. Hemen ikus ditzakezu horiek eskuratzeko baldintzak, bai eta beste erakunde batzuek sustatutako laguntzak ere.
Fede-, elkartasun-, kultura- eta kirol-jarduerak
Donostiako campusa:
Mundaitz 50, 20012 Donostia
Harremanetarako:
943 326 314grados.dbs.ss@deusto.es
