Markaturiko eremuak akatz bat dute edo ez dira behar bezala bete.
Lege Oharra
Datuen babesari buruzko informazioa
Arduraduna Deustuko Unibertsitatea
Helburua Datu pertsonalak honetarako dira:
Legitimazioa Baimena ematea Datuak lagatzea Ez zaie hirugarrenei daturik lagako, legezko betebehar eta/edo baimen kasuetan izan ezik. Eskubideak Datuetara sartu, zuzendu eta ezabatzekoa, baita beste eskubide batzuk ere, argibide gehiagori buruzko atalean azaltzen denez. Argibide gehiago Datu pertsonalen tratamenduari buruzko argibide gehiago eskura dezakezu esteka honetan: (argibide gehiago)
MENUA
Liburuxka
Enpresen Administrazio eta Zuzendaritza + Ingurune Digitaletako Zuzendaritzako Graduan, ekonomia digital berrian aplikagarriak diren enpresa- eta kudeaketa-ezagutzak garatuko dituzu. Enpresek beren arlo bakoitzetik nola funtzionatzen duten ikasiko duzu, eta eraldaketa digitalaren erronkei aurre egiteko prestatuko zara; horrela, prestakuntza osoa, globala eta integratzailea lortuko duzu.
Gradu honekin, zure erakundearen lehiakortasuna hobetuko duten proiektuak lideratzeko trebetasunak lortuko dituzu, eta negozio-eredu berrietara egokitzeko tresna berriak menderatuko dituzu. Enpresa baten estrategia diseinatzen ikasiko duzu, enpresa-proiektuak kudeatzen, eta finantzen, marketinareneta pertsonen kudeaketaren berezitasunak ezagutuko dituzu.
Gizartearen erronkekin kezkaturik bazaude, eta enpresan egiten duzun lanaren bidez balioa sortu nahi baduzu; erakundeen ikuspegi orokorra izan nahi baduzu eta enpresek nola funtzionatzen duten jakiteko jakin-mina; zenbakiak eta talde-lana gustuko badituzu, hau da zure gradua.
Bilboko Campusa
EAZ + Ingurune Digitalen Zuzendaritza
4 urte - 280 ECTS
Espainieraz - Euskaraz - Ingelesez
450 plaza guztira, Bilboko eta Donostiako EAZ programa guztien artean banatuak.
Presentziala
Sarrera prozesua itxita
Ingurune Digitaletako 40 ECTS ditu. EAZ Graduaren osagarri gisa egingo dituzu 4 urteetan zehar.
Business cases, enpresen proiektu errealak, mintegiak, lantegiak eta workshopak izango dituzu. Gainera, ikasgelan profesionalak izateak aukera emango dizu enpresek bizi dituzten benetako kasuei aurre egiteko.
Enpresen eraldaketa digitalak horretarako prestatutako profil profesionalak eskatzen ditu. Titulu propio honekin, hiru ingurunetan sakonduko duzu: dinamikoak; digitalak; sozialak eta lankidetzakoak.
Jakintza ekonomiko-finantzarioak eta juridikoak garatuko dituzu, enpresa egokitu ahal izan dadin arau eta joera berrietara.
Business analytics, big data, estrategia digitala eta negozio-eredu berriei buruzko ezagutzak eskuratuko dituzu.
Zuzendaritza-trebetasunetan, sare sozialetan eta enpresaren alderdi sozialean sakonduko duzu.
Aukeratu interesatzen zaizkizun graduak eta gradu bikoitzak, eman izena eta ez geratu zure plaza gabe.
Karreran zehar hizkuntzak sendotzeko hainbat aukera izango dituzu. EAZ graduko kredituen % 60tik gora ingelesez eskaintzen ditugu eta kredituen % 25 gehienez euskaraz.
Aukeratu zure hizkuntza ibilbidea eta egin zure EAZ Gradu elebiduna (ingelesa-gaztelania) edo hirueleduna (ingelesa-euskara-gaztelania).
Deusto Business Schoolek, Deustuko Unibertsitateko negozio eskolak, munduko negozio eskolarik onenak aitortzen dituen nazioarteko AACSB (Association to Advance Collegiate Schools of Business) erakundearen akreditazio ospetsua jaso du. Munduko negozio eskolen % 6k baino ez dute jaso ‘zigilu’ hori, management arloko kalitatea eta bikaintasuna ziurtatzen duena.
Gure EAZ Gradua nazioarteko titulua dela aitortzen du Eusko Jaurlaritzak (Unibasq).
Ingelesezko eta euskarazko irakasgaien eskaintza zabala, zure hizkuntza-ibilbidea aukera dezazun.
Seihileko oso bat atzerriko unibertsitate batean ikasteko aukera. Aukeratu non, mundu osoko 30 herrialderen artean.
Mundu osotik etorritako ikasleekin esperientziak partekatzeko aukera. Nazioarteko giroa izango duzu gelan 1. mailatik hasita.
Kedge Business School-ekin sinatutako hitzarmenari esker, Graduko azken hiru seihilekoak unibertsitate frantses horretan egin ahal izango dituzu eta, horrela, nazioarteko titulazio bikoitza lortu (plaza mugatuak).
01
Eskola teorikoekin batera izango dituzu kasu praktikoak, ahozko azalpenak, eztabaidak, kudeaketa-simulagailuak edo enpresetara bisitak. Talde-lana, erabakiak hartzea edo lidergoa bezalako konpetentziak landuko dituzu, jasangarritasunean, konpromiso etikoan edo erantzukizunean oinarrituz, besteak beste.
02
Gradua amaitu baino lehen izango duzu laneko esperientzia. Enpresako praktikak nahitaezkoak dira eta unibertsitatetik kudeatzen dira. Gainera, enplegua bilatzeko mintegietan parte hartu ahal izango duzu.
03
Enpresetako zuzendariek ikasgelara ekarriko dituzten kasu errealei aurre egin, enplegu-azoketara eta prestakuntza-mintegietara joan edo hautatze-prozesuetan parte hartu ahal izango duzu. Bertatik bertara ezagutuko dituzu enpresen beharrak.
04
Ikasleek sortutako eta gidatutako elkarteen bidez, ikasgelan ikasitakoa garatuko duzu, eta kultura ekintzailean murgilduko zara bete-betean. Deusto Consulting Club, Deusto Investment Club, Lagunarte...
Zuzeneko harremana dugu enpresekin. Orain, praktiketako hautaketa prozesua egiten ari naiz Guardian Glass Services enpresan eta datorren ikasturtean, Herbehereetara joango naiz truke programan.
Irakasgaiak oso praktikoak dira. Eskolan ikasten dugun teoria proiektuetan aplikatzen dugu, eta horrek asko errazten du ikaskuntza.
Talde-lan asko egiten dugu; programa zorrotza da, eta denbora eman behar da, baina asko baloratzen dut ez dizula eragozten aisiako, kiroleko eta beste arlo batzuetako jarduerak egiteko.
Egia esan, maite dut nire ikasgelako giroa. Ikasketa-giroa eta adiskidetasun handia daude, eta asko eskertzen da hori, ikasteko edo taldeko lanak egiteko orduan.
Taldean lan egiten eta arazoak kudeatzen ikasten dugu, eta, nahiz eta unibertsitatearen laguntza dugun, azken erantzukizuna gurea da.
Batxilergoa (edo baliokidea) egin behar da edozein modalitatetan, Arteetan salbu. Gainera, batxilergoko bi kurtsoetan ezinbestekoa da dagokion modalitateko Matematikako irakasgaiak egitea.
EAZ ikasketak egiteko, batxilergoko 1. mailan batez besteko nota Oso Ongi (7) edo gehiago eduki behar da.
Ingeleseko B2 maila egiaztatu behar da. Kanpoko ziurtagiri baten bidez (Cambridge, HEO, etab.) egin daiteke egiaztapen hori, edo unibertsitateko probaren bidez.
Deustuko Unibertsitatean ikastera bazoaz, gure beken programa erabil dezakezu. Hemen ikus ditzakezu horiek eskuratzeko baldintzak, bai eta beste erakunde batzuek sustatutako laguntzak ere.
BEKAK ETA LAGUNTZAK BALDINTZA EKONOMIKOAK
Fede-, elkartasun-, kultura- eta kirol-jarduerak
Informazio gehiago
Gure zerbitzuak eta jarduerak hobetzeko
Sarbide-baldintzak, onarpen-irizpideak...
INFORMAZIO GEHIAGO
Bilboko campusa: Agirre anaien kalea 2, 48014 Bilbo
Harremanetarako: 944 139 443grados.dbs.bilbao@deusto.es