MENUA / Graduari buruzkoak
Liburuxka eskatu
Markaturiko eremuak akatz bat dute edo ez dira behar bezala bete.
MENUA / Graduari buruzkoakLiburuxka eskatuMarkaturiko eremuak akatz bat dute edo ez dira behar bezala bete.
Deusto Business Schoolek diseinatutako 5 urteko programa da Deusto Finance Programme. Titulazio honetan, finantzen ikuspegi orokorra garatuko duzu, finantza-sektorearen erronka gero eta konplexu eta zorrotzagoei aurre egiteko gai izango zara, eta ekonomia bidezkoagoa eta jasangarriagoa garatzen lagunduko duen belaunaldi berriaren parte izango zara. Prestakuntza-programa da akademikoki zorrotza eta estua, nazioartekoa, praktikoa eta abangoardista.
Programa honen bidez, finantza-zientziaren gakoak eta haren bi ardatzak ulertuko dituzu: inbertsioa eta finantzaketa. Era berean, arriskuak egoki erabiltzen ikasiko duzu, bai eta enpresan erabaki hobeak hartzen lagunduko duten finantza-ereduak erabiltzen ere. Finantza tradizionalak goitik behera aldatzen ari diren negozio-ereduak eta arau-esparruak zein diren ikusiko duzu.
Matematikaz eta datu-analisiaz gozatzen baduzu, finantza-sektoreko merkatuak eta eragileak sakon ezagutzeko interesa baduzu; arrazoitzea eta ikertzea eskatzen duten irakasgaiak interesatzen bazaizkizu; nazioarteko esperientziak bizitzea gustatuko balitzaizu eta erronka berriei aurre egiteak motibatzen bazaitu; ekimena baduzu eta taldean lan egitea gustuko baduzu, hauxe da zure titulazioa.
Bilboko Campusa
Deusto Finance Programme | EAZ + Financial Analyst Basics
5 urte - 288 ECTS
Espainiera - Euskara - Ingelesa
450 plaza guztira, Bilboko eta Donostiako EAZ programa guztien artean banatuak.
Presentziala
Ezohiko epea: maiatzak 18 - ekainak 2
1. mailatik 4.era.
Enpresa bat osatzen duten arloek nola funtzionatzen duten jakingo duzu, enpresa-proiektuak planifikatzen, zuzentzen eta abian jartzen ikasiko duzu, finantza- eta teknologia-baliabideak kudeatuz. EAZ Gradua ikasiko duzu Financial Analyst Basics titulu propioarekin batera.
1. mailatik 4.era.
Finantza-erabakiak hartzeko tresna kuantitatiboak nola erabili ikusiko duzu, finantzen eta ekonomia errealaren arteko erlazioa ulertuko duzu, merkataritza-erregulazioa interpretatuko duzu eta finantza-informazioko sistemak ezagutuko dituzu.
5. maila.
Finantza-funtzioaren ezagutza espezializatua eta sakona eskuratuko duzu bere jarduera-arloetan (Finantza Korporatiboak, Merkatuak eta Finantza Erakundeak). Finantzetako masterra ikasiko duzu Financial Analyst Certificate titulu propioarekin batera.
5. maila.
Finantza-erabakiak hartzeko tresnen erabileran sakonduko duzu, eta zuzenean ezagutuko dituzu aseguru-kontratuen azpian dagoen finantza-logika eta sektorearen funtzionamendua.
Tasa akademikoen eta ostatuaren kostuaren % 100eraino.
Bilboko campusean EAZ ikasketak egiteko.
2023-24 ikasturterako sarrera eskaera egiteko epea 2023ko maiatzaren 18tik ekainaren 2ra egongo da zabalik.
Kontsultatu zure sarrera eskaera idazkaritza birtualaren bitartez egiteko jarraitu beharreko urratsak, aurkeztu behar den dokumentazioa eta ikasketa batzuetan eskatzen diren baldintza gehigarriak.
Deusto Business School-ek AACSB-ren (Association to Advance Collegiate Schools of Business) eta AMBA-ren (Association of MBAs) akreditazioak ditu. Nazioarteko akreditazio horiek enpresa-hezkuntzaren kalitatea eta bikaintasuna aitortzen dute, eta Deusto Business School munduko negozio-eskolarik onenen artean kokatzen dute. Mundu osoko negozio-eskolen %2ak soilik dute AMBA-ren akreditazioa eta %6ak AACSB-rena.
Ingelesezko eta euskarazko irakasgaien eskaintza zabala, zure hizkuntza-ibilbidea aukera dezazun eta horrela, hizkuntzak sendotu.
Seihileko oso bat igaroko duzu atzerriko unibertsitate batean. Aukeratu non, mundu osoko 40 herrialderen artean.
Mundu osotik etorritako ikasleekin esperientziak partekatzeko aukera. Nazioarteko giroa izango duzu gelan 1. mailatik hasita.
5. mailan finantza-praktika erreala esperimentatuko duzu, nazioarteko finantza-zentro bateko (Londres, Frankfurt...) puntako enpresak bisitatuz.
01
Eskola teorikoekin batera izango dituzu kasu praktikoak, ahozko azalpenak, eztabaidak, kudeaketa-simulagailuak edo enpresetara bisitak. Talde-lana, erabakiak hartzea edo lidergoa bezalako konpetentziak landuko dituzu, jasangarritasunean, konpromiso etikoan edo erantzukizunean oinarrituz, besteak beste.
02
Gradua amaitu baino lehen izango duzu laneko esperientzia. Enpresako praktikak nahitaezkoak dira eta unibertsitatetik kudeatzen dira. Gainera, enplegua bilatzeko mintegietan parte hartu ahal izango duzu.
03
Enpresetako zuzendariek ikasgelara ekarriko dituzten kasu errealei aurre egin, enplegu-azoketara eta prestakuntza-mintegietara joan edo hautatze-prozesuetan parte hartu ahal izango duzu. Bertatik bertara ezagutuko dituzu enpresen beharrak.
04
Ikasleek sortutako eta gidatutako elkarteen bidez, ikasgelan ikasitakoa garatuko duzu, eta kultura ekintzailean murgilduko zara bete-betean. Deusto Consulting Club, Deusto Investment Club, Lagunarte...
Deustuk lan mundura hurbiltzen zaitu eta horri balio handia ematen diot. Gainera, Inbertsio Klubekoa naiz eta, horri esker, jende berria ezagutu eta inbertsioen munduaz gehiago ikasten dut.
Programa honetan matrikulatzea erabaki nuen, lehen urtetik finantzetako espezializazioa egiteko aukera ematen duelako. Ingeleseko irakasgaiak eta enpresen hitzaldi ugariak ere nabarmenduko nituzke.
Beti gustatu izan zaizkit zenbakiak eta horregatik erabaki nuen Finantzetako programa hau egitea. 1. mailatik izan dugu gelan profesionalak izateko zoriona eta, joan den urtean, ikasle ohiak lanean ari ziren enpresa liderrak bisitatu genituen.
Proiektu berria da, beste edozein enpresa-karrerak eskain dezakeenaren desberdina; izan ere, irakasgaien erdia baino gehiago finantza-arlokoak dira.
Taldean lan egiten eta arazoak kudeatzen ikasten dugu, eta, nahiz eta unibertsitatearen laguntza dugun, azken erantzukizuna gurea da.
Batxilergoa (edo baliokidea) egin behar da edozein modalitatetan, Arteetan salbu. Gainera, batxilergoko bi kurtsoetan ezinbestekoa da dagokion modalitateko Matematikako irakasgaiak egitea.
Esperientziak adierazten digunez, EAZko ikasketak egiteko, beharrezkoa da Batxilergoko 1. mailan Oso Ongi (7) edo goragoko batez besteko nota izatea.
Ingeleseko B2 maila egiaztatu behar da kanpoko ziurtagiri baten bidez (First Certificate, Linguaskill, APTIS, Hizkuntza Eskola Ofiziala, etab.).
Gainera, EAZ gradua lortzeko, ikasketak amaitu aurretik, ingeleseko C1 maila egiaztatu beharko da.
Deustuko Unibertsitatean ikastera bazoaz, gure beken programa erabil dezakezu. Hemen ikus ditzakezu horiek eskuratzeko baldintzak, bai eta beste erakunde batzuek sustatutako laguntzak ere.
Fede-, elkartasun-, kultura- eta kirol-jarduerak
Bilboko campusa:
Agirre anaien kalea 2, 48014 Bilbo
Harremanetarako:
944 139 443grados.dbs.bilbao@deusto.es
