Irakasleak

MENUA / Irakasleak

Liburuxka eskatu

Markaturiko eremuak akatz bat dute edo ez dira behar bezala bete.

* Telefonoa

legezko informazioa irakurri dut eta onartzen dut (*)

Nolakoak dira klaseak?

PROFESIONALAK GELAN

Graduan zehar, hainbat profesionalek eta komunikazioko adituk beren esperientzia transmititzen dute ikasgelan. Helburua da benetako mundua unibertsitatera hurbiltzea, kasu praktikoen eta erakunde eta komunikabideetan abian jartzen diren azken joeren aurkezpenen bidez. Xabier Madariaga (EiTB), Germán Lasa (Tecnalia), Josep Martí (Cadena Ser), Rosa María Calaf (RTVE) eta Guillermo Viglione (Agencia Dimensión) dira bisitatu gaituzten profesionaletako batzuk.

KOMUNIKAZIO PROIEKTUAK ETA KANPAINAK GARATZEA

Batez ere, graduaren azken bi urteetan, ikasleek ingurune errealetan komunikazio-proiektuak egiteko aukera dute. Erakundeek proposamenak aurkezten dituzte eta ikasle taldeek ikasturtean zehar aztertu eta garatu behar dituzte. Besteak beste, Akorde-NG Sariak ekimena nabarmentzen da, Noticias de Gipuzkoa egunkariarekin lankidetzan, eta 3. mailako “Publizitatea” irakasgaiaren barruan.

BISITAK ENPRESETARA ETA KOMUNIKABIDEETARA

Ikasleek gehien baloratzen duten jardueretako bat komunikabideetara (El Diario Vasco, Berria, EiTB) eta beste erakunde batzuetara (Tabakalera, Mintzola, Etxepare Institutua) egiten dituzten bisitak dira. Arduradunek ikasleen presentzia aprobetxatzen dute egiten dituzten ekintzak zehatz-mehatz azaltzeko. Gainera, hainbatetan, aktualitateko prentsaurrekoetara joaten dira zuzenean.

Arreta pertsonalizatua eta hurbilekoa irakasleekin

Ikasleek urtero betetzen duten gogobetetze-inkestetan ondoen baloratzen den itemetako bat ikasleen eta irakasleen arteko harremana da. Deustuko titulazio guztietan bezala, arreta pertsonalizatua eta tratu hurbila nabarmentzen dira ikasgaien eta programatutako tutoretzen jarraipenean.

Telebistako platoa eta bi irrati-set

Telebistako platoak hiru kamera profesional, errealizazio-mahaia eta sabaian errailak dituzten fokuen argiztapen-sistema ditu. Gainera, streaming bidez emititzeko aukera ematen du, zerbitzari indartsu bati esker. Bi irrati-estudioak bi gunetan daude banatuta: teknikoa eta mintzategia. Estudioak campuseko zerbitzariari konektatuta daude, bertan egiten den ekoizpen guztia Unibertsitateak dituen instalazioetako edozein gunetatik erabili ahal izateko.

Deusto Irratia eta Deustokom bloga

Gradua egin bitartean, ikasleak audioko podcast formatuko edukiak sortzen eta editatzen eta idazketa digitalean trebatzen dira, Deusto Irratiko programazioan eta Deustokom blogean parte hartuz, hurrenez hurren. Deustuko Unibertsitatea dozenaka unibertsitate biltzen dituen Unibertsitateetako Irratien Elkarteko (ARU) kidea da.

Ikaskuntzarako gidari izango duzu

Unibertsitateko Orientazio Zerbitzua

Errendimendu akademikoari dagokionez emaitzarik onenak lortzen eta pertsona gisa eta etorkizun profesionalean garatzen lagunduko dizun unibertsitateko baliabide bat.

sou.deusto.es

Premia bereziak

Desgaitasun, gaixotasun kroniko, arazo psikiko eta/edo psikologikorik edo aldi baterako ezintasunik baduzu, curriculum-egokitzapenak eta tresna osagarriak (makuluak, atrilak, audifonoak, etab.) eskaintzen dizkizugu.

ACCIONSOCIAL.DEUSTO.ES

Tutoretza akademikoak

Zalantzak konpontzera edo irakasgaietan sortu daitezkeen ulertzeko zailtasunetan laguntzera, orientatzera eta egin beharreko jarduera eta lanen jarraipena egitera daude bideratuta.

Tutoreen taldea

TUTORETZA PLANA

Unibertsitatera egokitzen laguntzeko diseinatuta dago. Tutorearengana jo dezakezu arazo edo kezkaren bat baduzu (ikaskuntza, eskolako errendimenduan eragiten dizun kontu pertsonal, ekimen berri, hobetzeko proposamen eta bestelakorik baduzu).