MENUA / Gradu Bikoitzari buruz
Liburuxka eskatuMarkaturiko eremuak akatz bat dute edo ez dira behar bezala bete.
Enpresen Administrazio eta Zuzendaritza + Zuzenbidea Gradu Bikoitzari esker, enpresen eta erakundeen erronkei modu erabakigarrian aurre egin ahal izango diezu, enpresa-arloan kaudimen juridikoa emanez.
Zure karrera profesionala enpresa-eremura nahiz eremu juridikora bideratu ahal izango duzu, bai eta bien konbinazioa beharrezkoa eta balioetsia den lanpostuetara ere.
Gradu Bikoitz honekin, enpresa-proiektuak sortu, planifikatu eta gidatzeko gai izango zara, eta baliabideak kudeatuko dituzu eraginkortasun ekonomikoarekin, modu konprometitu eta etikoan ingurune globalizatuan. Gainera, legeak interpretatu, defendatu eta aplikatu ahal izango dituzu, enpresen eta erakundeen erronkei modu erabakigarrian aurre eginez, enpresa-eremuan kaudimen juridikoa emanez.
Interesatua bazaude ekonomiarekin eta zuzenbidearekin, matematikarekin eta irakurketarekin; zure ideiak argumentatzea eta defendatzea gustatzen bazaizu; ekimena eta taldean lan egiteko gogoa baduzu eta ikasketetan antolatua eta saiatua zarela uste baduzu, EAZ + Zuzenbideko Gradu Bikoitz hau zuretzako modukoa da.
Bilboko Campusa
Donostiako Campusa
EAZ + Zuzenbidea
5 urte - 360 ECTS
Espainieraz - Euskaraz - Ingelesez
450 plaza guztira, Bilboko eta Donostiako EAZ programa guztien artean banatuak.
Presentziala
Sarrera prozesua zabalik
Deustuko Unibertsitateko gradu eta gradu bikoitzetan interesa baduzu, ez galdu antolatu dugun ate irekien jardunaldia.
Otsailaren 11n, larunbata, campusera bertaratzeko eta zure gradua aukeratzen laguntzeko behar duzun informazio guztia lortzeko aukera izango duzu.
Tasa akademikoen eta ostatuaren kostuaren % 100eraino.
Bilboko campusean EAZ ikasketak egiteko.
Ingelesezko eta euskarazko irakasgaien eskaintza zabala, zure hizkuntza-ibilbidea aukera dezazun.
Seihileko oso bat atzerriko unibertsitate batean ikasteko aukera. Aukeratu non, mundu osoko 40 herrialderen artean.
Mundu osotik etorritako ikasleekin esperientziak partekatzeko aukera. Nazioarteko giroa izango duzu gelan, 1. mailatik hasita.
01
Eskola teorikoekin batera izango dituzu kasu praktikoak, ahozko azalpenak, eztabaidak, epaiketen simulazioak, kudeaketa-simulagailuak edo enpresetara bisitak. Talde-lana, erabakiak hartzea edo lidergoa bezalako konpetentziak landuko dituzu, jasangarritasunean, konpromiso etikoan edo erantzukizunean oinarrituz, besteak beste.
02
Gradu Bikoitza amaitu aurretik izango duzu lehenbiziko laneko esperientzia. Enpresako praktikak nahitaezkoak dira eta unibertsitatetik kudeatzen dira. Gainera, enplegua bilatzeko mintegietan parte hartu ahal izango duzu.
03
Enpresetako zuzendariek eta legelariek ikasgelara ekarritako kasu errealei eta problemei aurre egin, enplegu-azoketara eta prestakuntza-mintegietara joan edo hautatze-prozesuetan parte hartu ahal izango duzu. Bertatik bertara ezagutuko dituzu enpresa- eta lege-ingurunearen beharrak.
04
Ikasleek sortutako eta gidatutako elkarteen bidez, ikasgelan ikasitako ezagutzak eta trebetasunak oso modu praktikoan garatuko dituzu: ESME Junior Empresa, Deusto Investment Club, ELSA Deusto, Deusto Consulting Club...
Enpresa eta zuzenbidea elkarren artean oso lotuta dauden bi eremu dira, eta, irakasgaien bidez, ikusten dugu nola konektatzen duten.
EAZ eta zuzenbidea oso ondo egokitzen diren bi adar dira. Nik nahiago nituen zenbakiak, baina zuzenbidearen inguruan dudan ideia asko aldatu da. Kontua ez da bakarrik ikastea, alde praktiko handia ere badu.
Irakasle askok lanean dihardute edo jardun dute enpresa edo abokatu-bulego batean. Haien esperientziek eta lekukotzek ikuspegi oso praktikoa dakarte.
Gradu bikoitzean gehien gustatzen zaidana bi adarretako irakasgaiak bateratu ahal izatea da. Talde-lan ugari egiten ditugu eta nik neuk zenbait irakasgai ikasten ditut ingelesez. Aukera horrek hasieratik erakarri ninduen.
Gradu bikoitzean, irakaskuntzaren kalitatea eta enpresa laguntzaileen sarea nabarmenduko nituzke. Aukera ugari doaz sortzen eta horiek aprobetxatzen jakin behar da.
Orain, komunikabideetan hitz egiten den gai askori buruz ulertzen dut, eta gai naiz kritika bat egiteko, ikasgelan lantzen ditugun alderdiak oinarri hartuta.
HEC Montréal-eko trukea esperientzia ahaztezina da. Begiak irekitzen dituzu mundu zabalera, lan egiteko eta ikasteko modu berrietara egokitzen ikasten duzu, hizkuntzetan trebatzen zara... Erabat gomendagarria.
Taldean lan egiten eta arazoak kudeatzen ikasten dugu, eta, nahiz eta unibertsitatearen laguntza dugun, azken erantzukizuna gurea da.
Batxilergoa (edo baliokidea) egin behar da edozein modalitatetan, Arteetan salbu. Gainera, batxilergoko bi kurtsoetan ezinbestekoa da dagokion modalitateko Matematikako irakasgaiak egitea.
Esperientziak adierazten digunez, EAZko ikasketak egiteko, beharrezkoa da Batxilergoko 1. mailan Oso Ongi (7) edo goragoko batez besteko nota izatea.
Ingeleseko B2 maila egiaztatu behar da kanpoko ziurtagiri baten bidez (First Certificate, Linguaskill, APTIS, Hizkuntza Eskola Ofiziala, etab.).
Gainera, EAZ gradua lortzeko, ikasketak amaitu aurretik, ingeleseko C1 maila egiaztatu beharko da.
Deustuko Unibertsitatean ikastera bazoaz, gure beken programa erabil dezakezu. Hemen ikus ditzakezu horiek eskuratzeko baldintzak, bai eta beste erakunde batzuek sustatutako laguntzak ere.
Fede-, elkartasun-, kultura- eta kirol-jarduerak
Helbidea:
Unibertsitate etorbidea 24, 48007 Bilbo
Harremanetarako:
944 139 443grados.dbs.bilbao@deusto.es
Helbidea:
Mundaitz 50, 20012 Donostia
Harremanetarako:
943 326 314grados.dbs.ss@deusto.es
