Industria 4.0ko Programa Exekutibo hau esperientzia aitzindaria da, eta Euskal Unibertsitate Sistemako unibertsitateek erantzun koordinatua ematen diote enpresek eskatzen duten etengabeko prestakuntzari, Industria 4.0 bezalako esparru giltzarri batean. Prestakuntza-programak trebakuntza eta kualifikazio praktiko eta dinamiko bat ematen die euskal enpresen zuzendaritzei (CEO, gerentzia, etab.), ezagutzak, orientazioa eta tresnak izan ditzaten industria adimendunera bidean.
Programa Exekutiboaren laburpena
Hobetu zure proiekzio profesionala eta sar zaitez 4.0 Industriako fabrikazio- eta ekoizpen-teknologia digitaletan.
Sektoreko enpresetako profesional adituek erakutsiko dute nola aplikatu dituzten fabrikazio, produkzio eta industria adimendunaren kontzeptuak beren enpresetan.
Sektoreko enpresen kasu eta aplikazio errealetan oinarritutako metodologia praktikoa.
Nahitaezko moduluen 12 ECTS + Amaierako Proiektuaren 4 ECTS
Euskal Herriko Unibertsitateko Informatika Fakultateak, IMH Ingeniaritza Dualeko Unibertsitate Eskolak, Mondragon Unibertsitatea Goi Eskola Politeknikoak, Deustuko Unibertsitateko Ingeniaritza Fakultateak eta Tecnun-Nafarroako Unibertsitateak ematen dute. Zentro bakoitzak espezialitate nabarmenenak ematen ditu.
4GUNE Klusterrak, programaren bultzatzaile gisa, eta unibertsitate prestatzaileek titulazioa egiaztatuko dute.
Hainbat sektoretako enpresekin lankidetzan: Prestakuntza testuingurua ingurune egokia izan daiteke networkinga eta enpresen arteko lankidetza sustatzeko.
Proposatutako edukiak Eusko Jaurlaritzako Ekonomiaren Garapen, Jasangarritasun eta Ingurumen Sailak bultzatutako Basque Industry 4.0 Gidaritza Taldeak egindako 4.0 lanbide profil eta gaitasunen azterketaren emaitza dira. Hau da, programak euskal enpresen benetako eskaera bati erantzuten dio.
Gerentzia profilerako prestakuntza edukia eta ezagutza maila beste profil eta lanbide arlo batzuetarako garatzen ari diren prestakuntza programen osagarri izateko moduan definitu dira, hala nola I+G produktuaren edo ekoizpenaren garapena.
Metodologia erakargarria eta eraginkorra planteatzen da, aurrez aurreko eta online prestakuntza uztartuko dituena, ingurune parte-hartzaile eta multilokalizatu batean, eta eskuratutako ezagutza praktikara eramango duena, proiektu erreal eta pertsonalizatu baterako ibilbide orria identifikatuz eta definituz amaitzeko.
Balio erantsia da ikuspegi akademikoaren eta industria adituenaren arteko hibridazioa eta kasu praktikoetara hurbiltzea (bi inguruneetan). Gainera, proposatzen da metodologiak berak trebetasun bigunen asimilazio praktikoa ahalbidetzea.
Informazio gehiago jasotzeko, jarri harremanetan:
MENUA