Sexu indarkerian esku hartzen aditua

MENUA / Ikasketa plana

Liburuxka eskatu

Markaturiko eremuak akatz bat dute edo ez dira behar bezala bete.

* Telefonoa

legezko informazioa irakurri dut eta onartzen dut (*)

Ikasketa plana

Ikasketa planak 24 ECTS kreditu ditu, eta derrigorrezko sei irakasgaitan dago antolatuta. Programa modalitate erabat birtualean eskaintzen da

Irakasgaia	Mota	Izaera	ECTS-ak	Seihilekoa*
Sexu-indarkeriaren fenomenoaren testuingurua	Nahitaezkoa	Birtuala	5	1
Sexu-indarkeria motak	Nahitaezkoa	Birtuala	3	1
Trauma eta krisi egoeren tratamendu terapeutikoa	Nahitaezkoa	Birtuala	5	2
Esku-hartze psikosoziala eta instituzionala sexu-indarkeriaren esparruan	Nahitaezkoa	Birtuala	5	2
Emakumeen gorpuztasunen aurkako sexu-ziberrindarkeriak	Nahitaezkoa	Birtuala	3	2
Sexu-indarkeriak prebenitzea eta hautematea	Nahitaezkoa	Birtuala	3	2

Profilak eta helburuak

Aditu programa honek aukera ematen du etengabe aldatzen ari diren inguruneetan sexu-indarkeriak identifikatu eta diagnostikatzeko, eta horien prebentzio eta erreparazio integralera bideratzeko gaitasunak garatzeko.

Ikusi profilak eta helburuak

Metodologia

Metodologia

Irakasgaiak hainbat unitatetan antolatuta daude. Unitate bakoitzean, ikasleei ikasteko inguru bat aurkeztuko zaie: konpondu beharko duten egoera bat izango dute eta, horretarako, baliabide batzuk izango dituzte eskura, behar bezala antolatuta eta testuinguruan kokatuta (bideoak, dokumentuak, jarduerak...), bai eta planifikatzeko, ikasteko, praktikatzeko, hausnartzeko eta abarretarako tresnak ere. Irakasgaiek etengabeko ebaluazioko sistema izango dute: unitate bakoitzean zeregin batzuk eskatuko zaizkie ikasleei eta haiek lanak eman beharko dituzte (lan horiek ebaluatuko dira).

Lan irteerak

Gaiei ikuspegi profesional espezializatutik ekin

Problematika horri erantzuteko, lanketa profesional espezializatua egin behar da, nazioarteko, estatuko eta tokiko arau-garapenetatik eratorritako eskariarekin bat.

Sexu-indarkeriaren eremuan profesionalki jardutera bideratua

Graduondoa sexu-indarkeriaren arloko jarduera profesionalera bideratuta dago, bai erakunde publikoetan, bai pribatuetan. Horren barruan sartzen da erakunde publikoek garatzen duten zuzeneko arreta, sentsibilizazioa eta prebentzioa, bereziki arreta espezializatuko zerbitzuek: 24 orduko krisi-zentroak, errekuperazio integraleko zerbitzuak, salerosketaren eta sexu-esplotazioaren biktimei laguntzeko zerbitzuak, eta sexu-indarkeriaren biktima diren adingabeei arreta espezializatua emateko zerbitzuak. Era berean, erakunde pribatuek, hala nola elkarteek, aholkularitzek eta gobernuz kanpoko erakundeek egindako esku-hartzeari, sentsibilizazioari eta prebentzioari zuzenduta dago.