Programaren helburua
Ekonomia eta Lehiakortasun Ministerioaren Juan de la Cierva-Incorporación laguntzen programaren helburua da doktore gradua duten gazteen laneko kontratazioa sustatzea hiru urterako, doktorego osteko lehenengo etapa batean, jasotako gaitasunak sendotzeko.
Laguntzen ezaugarriak
Laguntzen kopurua: 278 laguntza
Gehienezko iraupena: 3 urte
Soldata: Kontratu bakoitzerako urteko laguntza 30.500 eurokoa izango da. Laguntza hori kontratatutako pertsonaren soldata eta Gizarte Segurantzako enpresaren kuota kofinantzatzera bideratuko da urte bakoitzean, era independentean hartuta. Kontratatuek jasoko duten gutxieneko soldata kontratuan agertu behar da eta urtean 26.300 euro gordinekoa izango da.
Horrez gain, 6.300 euroko laguntza gehigarria emango da ikerketako jarduera betetzearekin zuzenean lotuta dauden pertsonaren gastuak estaltzeko, I + Gko zentroko lanpostuan sartu ondoren.
Baldintzak
- Doktore titulua izatea (2016-01-01 eta 2018-12-31 bitartean lortua).
- Doktorego aurreko prestakuntza egin duten I + Gko zentro berean sartu nahi dutenen kasuan, doktorego aurreko prestakuntza egin duten I + Gko zentroa ez den beste batzuetan egonaldiak eginak edukitzea, 12 hilabetean behintzat.
- Ramón y Cajal laguntzetan parte hartzeko eskaerarik ez aurkeztu izana oraingo deialdian, laguntza hauen eskabideak aurkezteko epea amaitu aurretik.
- Ramón y Cajal eta Juan de la Cierva-Laneratzea laguntzen onuradun ez izana aurreko deialdietan.
Aurkezteko epea
- Ikertzaileentzako eskaerak aurkezteko epea: 2020ko abenduaren 15etik 2021eko urtarrilaren 19ra.
- I + Gko zentroetarako eskaerak aurkezteko epea: 2020ko abenduaren 15etik 2021eko urtarrilaren 19ra.
Eskaerak non aurkeztu
Parte hartzeko eskaerak ikertzailea atxikita dagoen I + Gko zentroan aurkeztuko dira.
Deialdiari buruzko argibide gehiagorako, sartu esteka honetan.
Kontsultak egiteko
Argibide gehiagorako, jarri harremanetan Deustuko Unibertsitateko Deiker Ikerketaren Emaitzak Transferitzeko Bulegoarekin (postdoc@deusto.es).
Dokumentu interesgarriak
