iratxe esnaola arribillaga

Iratxe Esnaola Arribillaga Hezkuntzan Doktorea eta Informatikan Ingeniaria da. Bere doktorego-tesiaren izenburua "Deustuko Unibertsitateko irakasleen ALUD erabilera eta horren harremana beste hezkuntza-aldagai batzuekin" da, 2015eko abenduaren 18an defendatua, Cum Laude aipamenarekin. Universitat Jaume I-ko Berdintasuna eta Generoa eremu Publiko eta pribatuan masterra du. Gaur egun Deustuko Unibertsitateko irakaslea da Donostiako campusean.Enpresen Administrazio eta Zuzendaritzako Graduan, EAZ+Ingeniaritza Informatikoa gradu bikoitzean, EAZ+Zuzenbidea gradu bikoitzean eta EAZ+NNHH gradu bikoitzean irakasten du. Irakasgai hauek ematen ditu: Informazio Sistemak I eta II (eus eta ing) eta Tresna digitalak (ing). Bere argitalpenetan, orain arte, goi-mailako hezkuntza IKTn erabilerak duen eragina aztertu du.