aitana fernández villardón

Aitana Fernandez-Villardon Hezkuntzan doktorea da, nazioarteko aipamenarekin (bikain cum laude kalifikazioa), Psikologian graduatua, Osasun Psikologia Orokorrean masterra Deustuko Unibertsitatean (espezializazioa adikzioetan eta indarkeria-egoeretan esku hartzean) eta Psikologia Juridikoan eta auzitegiko ebaluazio psikologikoan masterra Valentziako Unibertsitatean. Gaur egun, Deustuko Unibertsitateko Hezkuntza eta Kirol Fakultateko irakaslea eta ikertzailea da. Hezkuntzaren eta Garapenaren Psikologiarekin lotutako irakasgaiak ematen ditu Lehen Hezkuntzako, Gizarte Hezkuntzako eta Gizarte Laneko graduetan eta Psikologia arloko masterretan. Lan esperientzia du helduekin, haurrekin eta adinekoekin esku-hartze klinikoan, baita esku-hartze sozialaren arloan ere. eDucaR taldeko kidea da eta bere ikerketa-ildoak kolektibo kalteberetan osasun mentala sustatzeko ikuspegi dialogikoan zentratzen dira, batez ere patologia mentalak dituzten pertsonetan. Europako Esparru Programako (Horizon 2020) ikerketa-proiektuetan parte hartu du, koordinatzaile-taldearen parte gisa (SCIREARLY: Policies and practices based on scientific research for reducing underachievement and early school leaving in Europe) eta kolaboratzaile gisa (IMPROVA: e- intervention enhancing mental health in ecutents), baita Erasmus + proiektuetan (Enlarging Successful Educational Actions for All; Rural Virtual Classroom) eta Estatuko Programaren proiektu konpetitibo ere (INTERACT: Dibertsitate funtzionaleko testuinguruetan sartzeko ingurune interaktiboak: garapena, ikaskuntza eta bizikidetza hobetuz; CHILDPRO: Inoiz ez da goiz genero-indarkeriari aurrea hartzeko; Jokoaren nahastearen ebaluazioa eta estigma genero-ikuspegitik). Bestalde, doktoratu aurreko beka bat lortu zuen Zientzia eta Berrikuntza Ministerioaren eskutik (PRE2018-086876). Nazioarteko kongresu askotan parte hartu du, hala nola ECER, Earli, CIMIE edo CICFEM. Halaber, artikulu zientifikoak argitaratu ditu inpaktu-aldizkarietan, batik bat, Psychiatry Research, Community mental health journal, Annals of Psychology, Anxiety and Stress edo REMIE: Multidisciplinary Journal of Educational Research aldizkarietan. Egonaldiak egin ditu Estatuko eta nazioarteko hainbat unibertsitatetan, hala nola, Ramon Llul (Bartzelona, Spain) eta Indiana University School of Medicine (Indianapolis, US). International Journal of Educational Psychology (JCR Q3 eta SJR Q2) aldizkariaren editorea da, eta inpaktu-aldizkari eta nazioarteko kongresu batzuen ikuskatzailea izan da.