itziar navarro picabea

ITZIAR NAVARRO PIKABEA Ekonomia eta Enpresa Zientzietan lizentziaduna da ESTE-Deustuko Unibertsitatean. Gaur egun Deustuko Unibertsitateko irakaslea da Donostiako campusean, eta unibertsitate horretako Itzulpen eta Laguntza Zerbitzuko itzultzailea, Hizkuntza Zentroan. Ingurune ekonomikoa irakasgaiko irakaslea da (euskaraz) Enpresen Administrazio eta Zuzendaritzako graduan eta gradu bikoitzetan, eta Giza Balioei buruzko Prestakuntzako moduluko irakaslea ere bada. Zehazki, Aukera kritikoak mundu globaleko erronken aurrean (gradu guztietako ikasleentzat) eta Gizarteko eta lanbideko etika (EAZko graduan eta gradu bikoitzetan) irakasgaiak ematen ditu. Irakaskuntza eta itzulpengintza uztartzen ditu. Hain zuzen ere, zinpeko itzultzailea da, ekonomia eta enpresa arloan espezializatua. Arlo horretan dozena bat liburu baino gehiago eta bestelako materiala itzuli eta argitaratu ditu, euskarazko irakaskuntzan erabiltzeko.