eduardo javier ruiz vieytez

Deustuko Unibertsitatearen irakaslea, Giza Eskubideen Institutuko zuzendari ohia eta Gizarte eta Giza Zientzietako Fakultateko dekanu ohia. Egun, Unibertsitate Estrategiarako Errektoreordea da. Arartekoaren lege aholkulari moduan lan egin zuen. Arlo akademikoan, ikerketa egonaldiak garatu ditu zenbait unibertsitatetan: Derby (Ingalaterra), York (Kanada), Monash (Australia), Western Cape (Hego Afrika), Friburgo (Suitza) eta Bolzano (Italia). Aldi berean ikastaro eta mintegiak eman ditu zenbait Europako unibertsitatetan. Giza eskubideei buruzko disziplina arteko ikerketa taldearen ikerlaria da eta IMISCOE (Integration, Migration and Social Cohesion in Europe) Europako sareko zuzendarien kontseiluko kide ohia. Bere ikerketa arlo nagusiak immigrazio eta integrazio politiken, gutxiengoen babesaren eta aniztasun erlijioso, hizkuntz edo kulturalaren kudeaketaren inguruan kokatzen dira, beti giza eskubideen ikuspegitik.