janire fonseca peso

Janire Fonseca Peso Cum Laude Europako Aipamena duen doktorea da Hezkuntza Berrikuntzan eta bizialdi osoko ikaskuntzan. Hezkuntza eta Kirol Fakultatean irakasten du, zehazki, Gizarte Hezkuntzako graduan. Eusko Jaurlaritzak onartutako Esku-hartzea, Bizi-kalitatea eta Gizarteratzea ikerketa taldeko kide ofiziala da (IT-1220-19 A kategorian). Bere ikerketa-ildoak herritarren parte-hartzean, komunitatearen garapenean, nerabeen eta gazteen arrisku- eta babes-faktoreetan eta gizarte- eta hezkuntza-arloko esku-hartze estrategietan oinarritzen dira. Azken urteotan, batez ere herritartasunaren, garapenerako hezkuntzaren eta aisialdiaren esparruetan aritu da lanean, justizia soziala, sentsibilizazioa, ahalduntzea eta gizarte- eta hezkuntza-inklusioa sustatzen dituzten programetan. Halaber, egoera ahulean eta arrisku handian dauden kolektiboekin lan egin du, nazioan eta nazioartean.