Pedro Arrupe Giza Eskubideen Institutua 1997an sortutako erakunde akademikoa da, Deustuko Unibertsitatean dago.
Bere izateko arrazoi nagusia giza eskubideen kulturaren aldeko lana da, unibertsitatearen ikuspegitik, eta, gainera, bokazio sozial eta internazional nabarmenarekin.
Gaur egun, 20 lagunek osatzen dute Institutuko lantaldea, eta irakaskuntzaren, ikerketaren, sentsibilizazioaren eta gizarte eraginaren bidez hedatzen du bere lana.
Kontaktua
Giza eskubideen defentsa jomugan.
Deustuko Unibertsitateko Pedro Arrupe Giza Eskubideen Institutua irabazi asmorik gabeko erakunde akademiko independentea da, eta giza eskubideen sustapenaren alde lan egiten du ikerketaren, irakaskuntzaren, sentsibilizazioaren eta esku hartze sozialaren bidez.
Institutuak erreferentziazko erakundea izan nahi du giza eskubideen sustapenean, bai barruan, bai nazioartean:
2026ko urtarrilak 23 - Bilbao
2026ko urtarrilak 20 - Bilbao
2025eko abenduak 11 - Bilbao
2025eko abenduak 02 - Bilbao
2025eko abenduak 01 - Bilbao
2026ko urtarrilak 23 - Bilbao
2026ko urtarrilak 20 - Bilbao
2025eko abenduak 11 - Bilbao
2025eko abenduak 02 - Bilbao
Helburua da giza eskubideekin eta ekintza humanitarioarekin lotutako gaiei buruzko ezagutza zabaltzea, bai eta profesionaltasun eta gaitasun teknikoz arlo horien alde esku hartzeko gai diren agente eta adituak prestatzea ere.
Giza eskubideen azterketa eta ezagutza zabaltzea du helburu, gai horiei buruzko hausnarketari argia emango dioten ikerketa proiektuen bidez, giza eskubideen ikuspegitik zientzientzat garrantzitsuak diren berrikuntzekin lagunduz.
Horren bidez, giza eskubideak onartzeko eta errespetatzeko kultura hedatu nahi da Euskadiko, estatuko eta nazioarteko gizarteetan, eskubide horien urraketak edo gizarte bidegabekeriak salatuz, eta giza eskubideentzat garrantzitsuak diren alderdi politiko edo sozialei buruzko eztabaida sozial serio eta gogoetatsua eraginez. Horren barruan sartzen da, halaber, giza eskubideen sustapenean eta babesean parte hartzea, dela Institutuak berak garatutako ekintza zuzenen bidez, dela Institutuaren zerbitzu teknikoak eskainiz, beste organismo batzuei esku hartzeko, hala nola erakunde publikoei edo gobernuz kanpoko erakundeei.
2017ko azaroaren 17an Institutuak hogeigarren urteurrena ospatu zuen helburu bikoitzeko jardunaldi batekin. Alde batetik, giza eskubideen alde lan egindako bi hamarkada horiek ospatzeko gune izatea. Bigarrenik, hausnarketarako eta elkarrizketarako gunea irekitzea, datozen hamarkadetan lan horrekin jarraitzeko lagungarriak eta orientabideak eskaintzeko.
