Euskal Gaien Institutua 1974tik ari da euskal hizkuntza eta kultura aztertzen eta zabaltzen. Ia berrogeita hamar urteko ibilbidean, Institutuak, besteak, euskal gaiei buruzko bibliografia-funts oparo bat osatu du (Deustuko Unibertsitateko liburutegian kontsultagai); halaber sustatu du argitalpen-katalogo sendo bat; bai eta bildu eta koordinatu ikerketa-arloan profesional-talde kualifikatu bat hainbat lan esanguratsu garatzeko gai izan dena.
Euskal Gaien Institutuak euskararen eta euskal kulturaren ikerketarako eta hausnarketarako gune akademiko sendo eta irekia izatea du xede. Ikuspegi diziplinarteko eta konparatutik, tokiko zein nazioarteko erakundeekin elkarlanean, sare akademikoak ehundu eta sendotzen ditu, ikerketa sustaturik eta sortutako ezagutzaren gizarteratzea bultzaturik. Bere jardunaren bidez, helburutzat dauka ekarpen esanguratsua egitea euskal ikasketen sendotzean eta nazioarteko proiekzioan, zorroztasun zientifikoan eta zerbitzu publikoaren bokazioan oinarrituta, bidenabar unibertsitatearen eta gizartearen arteko lotura trinkotuz.
