Euskal Gaien Institutua 1974tik ari da euskal hizkuntza eta kultura aztertzen eta zabaltzen. Ia berrogeita hamar urte hauetan zehar egindako ahaleginaren ondorioz, Institutuak euskal gaiari buruzko bibliografia funts garrantzitsua bildu du (UD Liburutegian kontsulta daiteke), argitalpenen katalogo garrantzitsua bultzatu du eta ikerketa arloan lan bikainak egiteko profesional talde garrantzitsua biltzea eta koordinatzea lortu du. Gainera, jarduera ugari antolatzen ditu, hala nola jardunaldiak, mintegiak, hitzaldiak, mahai-inguruak, erakusketak, etab.
Institutua
KONTAKTUA
Institutua ikertzaileen eta euskal kultura landu eta horretan sakondu nahi dutenen topagunea izan dadin nahi genuke.
Elixabete Perez GazteluEuskal Gaien Institutuko zuzendaria
HISTORIA
1974an, Deustuko Unibertsitateak, Bizkaiko Foru Aldundiarekin batera, Bizkaiko Gaien Saila sortu zuen, eta bertan zuen egoitza. Sailak, Unibertsitatearen eta Aldundiaren ordezkaritza parekidea zuen Patronatuak gobernatuta, hiru katedra (Historia, Zuzenbidea eta Hizkuntzalaritza) eta Liburutegi espezializatu bat zituen, eta gure kulturaren irakaskuntza, ikerketa eta dibulgazioko mota guztietako jarduerak garatzen zituen.
Bost urte geroago, demokrazia berrezarri ondoren, 1979ko azaroaren 21ean, Bizkaiko Gaien Saila egungo Euskal Gaien Institutu bihurtu zen, Unibertsitateko Filosofia eta Letren Fakultatera atxikita. Institutu berria unitate didaktikoaren menpe zegoen soilik, baina Bizkaiko Foru Aldundiaren laguntza instituzionalari zuen.
2009an, Deustuko Unibertsitatea bere fakultateak, eskolak eta institutuak berregituratzen hasi zen, eta Euskal Gaien Institutua Gizarte eta Giza Zientzien Fakultate berrira atxikitzea erabaki zuen.
Ia 50 urteko historian, euskal kulturako pertsona garrantzitsuak izan ditu zuzendari: Ramón Areitio Rodrigo (behin-behinean, 1974ko abendura arte), Andrés Eliseo de Mañaricúa y Nuere (1974-1979), Patxi Altuna Bengoechea (1979-1991, José Ramón Scheifler Amézaga zuzendariorde zela), Rosa Miren Pagola Petrirena (1991-1999), Santiago Larrazabal Basañez (1999-2009) eta Nerea Mujika Ulazia (2009-2016). 2017tik, Elixabete Perez Gaztelu da Institutuko zuzendaria.
IKERKETA
IKERKETA
Euskal Gaien Institutuko kideen jarduerek eta argitalpenek Komunikazioa, diskurtsoa eta identitateak izeneko ikerrildoa elikatzen dute hainbat ikuspegitatik. Ildoetariko batek komunikazio prozesuen eta identitateen (bir)sorkuntzaren arteko elkarreragina nola gertatzen den ulertu nahi du hainbat testuingurutan, bereziki krisi eta egiturazko aldaketak gertatzen direnean. Hizkuntza praktikak (egitura, aldaketa eta elkarreragina) eta hiztunen azterketa lantzen da, baita hizkuntzaren alde soziala eta euskal identitatea(k) eratzen zer paper jokatzen duten ere.
Ikertzaileetariko batzuek Equiling ikerketa proiektu lehiakorrean parte hartzen dute (Madrilgo, Kataluniako, Galiziako eta Euskal Herriko azpiproiektuak jasotzen ditu). Proiektuaren barruan aztertzen dira euskararen hiztun berriek zer praktikatara jotzen duten euskal hiztun bihurtzeko eta hala definitzeko, baita praktika horrek zer eragin eta subjektibitate dakarren ere. Horretarako metodologia berritzailea erabiltzen dute: ikerketa-ekintza parte-hartzailea.
Institutuko jarduerak
Taldea
José Ángel Áchón Insausti
- Euskal Gaien Institutuko ikertzailea
Estibaliz Amorrortu Gómez
- Euskal Gaien Institutuko ikertzailea
Laura Belmonte Romillo
- Idazkaria
Alexander Iribar Ibabe
- Euskal Gaien Institutuko ikertzailea
Xabier Landabidea Urresti
- Euskal Gaien Institutuko ikertzailea
Elixabete Perez Gaztelu
- Euskal Gaien Institutuko zuzendaria
Blog
Euskal Gaiak
40. urteurrena
40. urteurrena
Bideo honetan, ikertzaileek eta irakasleek Euskal Gaien Institutuaren eta oro har euskal gaien iraganari, orainari eta etorkizunari buruzko hausnarketak partekatzen dituzte, hasierako bizipenei buruzko galderei erantzunez. Garai hartako jardueren inguruko balioespenak eskaintzen dituzte, Deustuko Unibertsitateko euskal gaien egungo egoera aztertu, eta ikasketen etorkizunaren inguruko galderari erantzuten diote mundu global honetan.
