Aisiako Ikaskuntzen Institutua Deustuko Unibertsitateko Filosofia eta Hezkuntza Zientzien Fakultatean 1988an sortu zen erakunde akademiko bat da. Deustuko Unibertsitatearen mendeurrena izan eta bi urtera garatu zen, gure inguruan sortzen diren galderei erantzuteko asmoz.
Gaur egun, 12 pertsonak osatzen du Institutura atxikitakoen giza taldea eta Deustuko Unibertsitateko hogeita hamar ikertzaile baino gehiagorekin batera egiten dugu lan. Aisiako Ikaskuntzen Institutuan, erakunde unibertsitarioaren berariazko hiru esparruetan, era askotako jarduerak burutzen ditugu: ikerketa, prestakuntza eta transferentzia.
Herritartasun aktiboa eta konprometitua garatzeko konpromisoa hartua dugu, aisiako ikerketa bikaina burutu eta giza garapena sustatuko duena. Horretarako, prestakuntza eskaintza ugaria eta askotarikoa dugu. Jarraian Institutuaren barruan egiten ditugun jarduera nagusienen xehetasunak azalduko dizkizuegu.