Bilboko Campusa

Cerrar explora esta secciónHamburguesa explora esta secciónMENUA

Hiri kosmopolita

Bizi Bilbao

Bilbo milioi bat biztanle baino gehiago dituen metropoli-eremu baten bihotza da. Sortu zenetik, duela 700 urte baino gehiago, funtsezko faktorea eta ardatz sozioekonomiko nagusia izan da, eta haren inguruan jarri du abian Bizkaiko probintziak bere modernizazio prozesua.

Euskal kulturaren eta espirituaren adierazgarri, ez dira ahaztu behar kultura tradizionalaren adierazpenak, hala nola erromeriak eta jaiak, herri kirolak, folklore tradizionala, etab. Aipatzekoa da Bilboko Aste Nagusia, bederatzi egunez ospatzen dena abuztuaren 15etik aurrera.

Ezinbestekoa da Euskal Herriko gastronomia bereziki aipatzea, ospe handikoa sukaldaritza eskola sortu duelako. Janari bikaina eta txakolina bezalako edari autoktonoak berez dira erakargarri bereziak.

Bilbo Ereagako hondartzatik 20 minutura dago metroan, eta Sopelako Arrietara eta Atxabiribil hondartzetatik, 30 minutura. Metroan, Plentzia arrantzale herriraino ere iritsi ahal izango zara.

null

CAMPUSA IRUDIETAN

Galeria ikusi

Bilbo

Deusto Street View

Unibertsitateko eraikinen barruan paseatu, Googleren teknologiari esker

Unibertsitatera sartu

Bilboko campusaEspazioak eta eraikinak

Eraikin nagusia

Eraikin nagusia estilo klasikoko etxea da. Elementurik azpimarragarrienak erdiko eskailera nagusia, garai bateko liburutegia, gaur egungo Gradu aretoa, Kapera Gotikoa eta Paraninfoa dira.

Kristalezko eraikina

80etako erakin horrek modernotasuna eta iragana bateratzen ditu. Metalezko fatxada aizun bat du, burdinurtuzko zutabeduna, antzinako pilotaleku estaliaren formak gogorarazten dituena.

La Comercial eta ESIDE eraikina

La Comercial eraikina lan neoklasikoa da, 1921ean eraikia. ESIDE eraikinak estilo modernoagoa du.

Liburutegia-IIBZ

Rafael Moneo arkitekto ospetsuak eraikia. Liburutegiak irakurtzeko 1.700 leku baino gehiago ditu, irakurketa geletan, talde-laneko geletan, mintegietan, tailerretan eta ikerketako kabinetan banatuta.

Lehenengo enpresen habia

2009an jarri zen martxan DeustoKabi, ESIDE eraikinean, Deustuko Unibertsitateko oinarri teknologikoko lehenengo enpresen habia.

DeustoTech

2013an DeustoTech-ek espazioen eraldaketari ekin zion, ikerketaren kalitatean sakontzeko eta I + G + b-ko zerbitzuen prestazioa hobetzeko.

Xabier Kirolgunea

2017an kirolgune berria inauguratu zen: bi solairutako eraikina, 9.845 m2-koa, campuseko futbol zelairen azpian eraikia.

DeustoBio-ko instalazioak

DeustoBio-ko instalazioak Medikuntzako graduko ikasleentzat dira. Laborategiak, ospitale birtual bat, trebetasunak lantzeko gelak, kontsultak, etab. ditu.

Lorategiz hornitutako eremu zabalak

Barruti guztia lorategiz inguratuta dago. Inguru horretan, 200 zuhaitz baino gehiago daude, 50 espezie desberdinetakoak, botanika aldetik balio handia dutenak. 

Bilboko campusa

Ekitaldietarako guneak alokatu

Erreserbatu

Nola heldu campusera?

null

Nola heldu campusera?

Bilboko campusa erdigunetik hurbil dagoenez, unibertsitatera iristeko aukera desberdinak dituzu. Oinez joan nahi baduzu, Unibertsitatea eta Bilboko erdigunea lotzen dituzten zubiak dituzu. Unibertsitateak hainbat aparkaleku ditu campusean bertan eta Euskadi plazan, unibertsitatetik 5 minutura. Metroa edo tranbia ere har ditzakezu, geralekuak campusetik minutu gutxira daude-eta.

Lokalizatu campusa

Nola heldu campusera

null

Oinez

Aita Arrupe oinezkoen pasabideak eraikin nagusia eta IIBZ liburutegia lotzen ditu. Bilboko erdigunearekin lotzeko beste zubi bat Deustuko Zubia da.

null

Bizikletaz

Hainbat bidegorri daude Unibertsitateko sarreraraino eramango zaituztenak. Behin Unibertsitatera helduta, bizikleta aparkatzeko aukera duzu horretarako prestatuta dauden guneetan.

null

Autoz

Deustuk hainbat aparkaleku ditu:
DBSko aparkalekuak 34 plaza ditu; bisiten aparkalekuak, 31 plaza; campuseko aparkalekuak, 142 plaza; Euskadi plazako aparkalekuak, 276 plaza.

null

Autobusez

Hiri barruko eta herrien arteko autobusen hainbat geltoki daude campusaren ondoan. Ikusi ordutegiak

null

Metroan

Unibertsitatera metroan iristeko, Deustuko geltokian edo Moyuakoan jaitsi zaitezke. Biak ere campusetik 10 minutu eskasera daude. 
Ikusi ordutegiak

null

Hegazkinez

Loiuko aireportua Unibertsitatetik 15 bat minutura dago autoz, eta autobus zerbitzua du. Bilbotik ordubetera Santanderreko aireportua dago.

Gehiago jakiteko

Beharrezko informazio gehiago

Aparkalekuak

Bizikletentzako aparkalekua

Kafetegia

Liburu-denda

Bankua eta kutxazain automatikoa

Bidaia agentzia

Fotokopiak

Unibertsitateak hainbat aparkaleku libre ditu ikasleentzat eta bertako langileentzat Bilboko campusean.

  • DBSko aparkalekua: 34 plaza
  • Bisiten aparkalekua: 31 plaza
  • Campuseko aparkalekua: 142 plaza
  • Estalitako ordainpeko aparkalekua: 276 plaza

Gainera, Deustuk hitzarmen bat du ikasleek eta langileek Euskadi plazako aparkalekuan kotxea utzi ahal izan dezaten. Aukera hori asteburuetan ere eskura dago. Ezinbestekoa da Unibertsitateko txartela eramatea eta gogoan izan aparkalekuak 4. solairukoak direla, ‘Reservado/Erreserbatuta’ kartela ez dutenak. Prezioa 3 eurokoa da ikasleentzat eta 3,40 eurokoa unibertsitateko langileentzat, gehienez ere 24 orduz.

Unibertsitateak badu bizikletentzako aparkaleku bat Arrupe zubitik eraikin nagusira dagoen sarreraren ondoan.

Gainera, azken aldian, bizikletentzako aparkaleku berri itxia ere prestatu da, sartzeko kontrola eta bideozaintza sistema dituena. 90 bizikletarentzako lekua du, lerroan jarrita, hormigoizko saretazko zoladura gainean, hutsuneetan belarra ereinda duena.

Bizikleten aparkaleku berri hori Deustuko Unibertsitateko ikasle eta langileentzakoa da. Erabili Deustuko txartela bertara sartzeko (aurretiaz eskolazainen bulegoan aktibatu behar da).

Bilboko campusak kafetegi/jatetxe bana du eraikin bakoitzean (La Literaria eta La Comercial eraikinetan) eta liburutegian, ikasleek bazkaltzeko edo mokadutxo bat har dezaten.
Liburutegiko jantokiak unibertsitateko menuak eskaintzen ditu: bi plater, edaria, postrea eta ogia (bokatak, hanburgesak, eguneroko menuak: plater bat + edaria edo postrea 3,75 eurotik aurrera).

Eraikin nagusian, Tintas liburu-denda dago. Bertan, Deustuko Unibertsitateko argitalpenak eta irakasleek erosteko eskatzen dizkizueten liburuak aurkituko dituzue. Eleberriak ere badituzte, eta % 10eko deskontua eskaintzen diete unibertsitateko ikasleei artikulu guztietan.

  • Ordutegia: astelehenetik ostiralera, 08:30etik 18:30era eten gabe.
     

Eraikin nagusian Kutxabanken bulego bat dago, interesa duten ikasleei beka eta finantzaketarako aholkularitza zerbitzua eskaintzen diena.

  • Ordutegia: astelehenetik ostiralera, 8:30etik 14:15era eta ostegunetan, 16:45etik 19:30era.

BBK, Laboral Kutxa, BBVA eta Santander entitateetako kutxazainak ere eskuragarri daude.

Bidaia Agentzia Unibertsitateko Eraikin Nagusian dago. Bidaiaren eta egonaldiaren arabera, % 5 eta % 7 arteko deskontua eskaintzen du, baita Nazioarteko Ikasle Txartela (ISIC- International Student Identity Card) eskuratzeko aukera ere. Txartel hori mundu osoan ezaguna da; deskontu eta zerbitzu bereziez gozatzeko aukera ematen du, mundu osoko garraio, ostatu, museo, antzoki, kultura zentro eta leku historikoetan.

  • Ordutegia: astelehenetik ostiralera, 07:30etik 19:00etara eten gabe.

Liburutegiak Fotokopia, Inprimaketa eta Eskaner Zerbitzua eskaintzen die erabiltzaileei solairu bakoitzean (irakurgelen ondoan). Zerbitzu hori erabiltzeko beharrezkoa da @deusto edo @opendeusto posta elektronikoko kontu bat izatea.

Gehiago jakiteko

Campusa eta hiria ezagutu