Deusto PsychOsasun Zientzien Fakultatea

Misioa

Deusto Psych-ek, Psikologia eta Osasuneko Ikerketa, Garapen eta Berrikuntzako Unitateak, Osasunaren Psikologian ikerketa eta jakintzaren transferentziako nazioarteko erreferente izan nahi du.

Ikuspena

Psikologia eta Osasunaren arloko ezagutza aurreratzea, bi arlo horietako ikerketaren, garapenaren eta berrikuntzaren bidez, lanbideko praktikak hobetzen laguntzeko eta, hala, gizarteari zerbitzu emateko, Deustuko Unibertsitatearen eta Psikologiako diziplinaren balioen barruan.

Osasun prestakuntza praktikoa

1. Osasun Psikologia orokorraren eta espezializazioen esparruan kalitateko praktikak eskaintzea.
2. Doktorego tesiak eta Master amaierako lanak egiten dituzten ikasleei prestakuntzan laguntzea ikertaldeen bidez.
3. Psikologiaren eta osasunaren esparruko etorkizuneko eta egungo profesionalen etengabeko prestakuntzan laguntzea.
4. Psikologiaren eta osasunaren esparruan irakasleen hobekuntzan eta eguneratzean laguntzea, prestakuntzako zenbait ekimen babestuz.

Osasun arloko ikerketa bikaina.

1. Osasunaren eta Psikologiaren esparruan ikerketarako, garapenerako eta berrikuntzarako laguntza sustatzea eta areagotzea.
2. Psikologiako esku hartzeko berrikuntzari buruzko ikerketak sustatzea.
3. Gaur egungo gizartearen beharrizanei erantzungo dieten ikerketak sustatzea.
4. Ikertaldeko ekoizpen zientifikoaren eta jakintzaren transferentziaren zabalkundea areagotzea.

Goitik beherako asistentzia psikologikoa

1. Hainbat ikuspegi terapeutikotako laguntza psikologikoko kalitateko zerbitzuak eskaintzea eta areagotzea unibertsitateko elkarteari.
2. Hainbat ikuspegi terapeutikotako laguntza psikologikoko kalitateko zerbitzuak eskaintzea eta areagotzea, kalteberatasun egoeran dauden taldeei bereziki.
3. Taldeko tailer eta esku hartzeen eskaintzak aregoagotzea, unibertsitateko elkarteko kideen eta gizartearen, oro har, ongizatea, osasun mentala eta garapen pertsonala hobetzeko.
4. Ebidentzia enpirikoan oinarritutako esku hartzeen garapena sustatzea.

Unibertsitateko Ikerketako Unitate den aldetik, Deusto Psych-ek irakaskuntzarako orientazio garrantzitsua du. Hori dela eta, gure gela guztiek dituzte prestatzen dihardutenentzako behaketarako espazioak ondoan.

Hona hemen Unitatearen espazioak:

• Kontsultako bi gela
• Elkarrizketetarako hiru gela eta behaketarako gela ondoan
• Haurrekin esku hartzeko gela bat eta behaketarako gela ondoan
• Neuropsikofisiologiarako esperimentazio gela (Faradayren kaiola)
• Errealitate birtualeko eta motrizitateko gela
• Haurrekin esku hartzeko erabilera anitzeko gela bat eta behaketarako gela ondoan
• Bilera gela
• Ikertzaile klinikoentzako bi gela, 18 lanposturekin
• Harrera, itxaron gela, artxiboa eta kontroleko unitatea

Espazio guztiek dute audioa eta bideoa grabatzeko sistema.

Ikertzeko baliabideei dagokienez, Deusto Psych-ek ekipamendu hornidura nabarmena du; besteak beste, hauek ditu:
 

• 2 kanaleko Biofeedback 2000 eta 4 kanaleko WaveRider pro biofeedback sistemak
• Lau ekipamendu poligrafiko (bi BioPac MP-150, BioPac Student Lab bat eta Grass Model 7D bat)
• Odol-presioa erregistratzeko sistema ez inbaditzaileak eta tentsiometro bat
• Lotan mugimendua erregistratzeko sistema (Actigraph)
• Etilometroa
• Elektroentzefalografiako bi ekipo (36 kanaleko Medicid-5 bat eta 32 kanaleko Brainvision sistema bat).
• Aldaketa kognitiboetara sentikorra den ebaluazio sistema (Cantab)
• Motion Star Wireless sistema NVIS NVISOR SX kasko bat duena eta Flock of Birds sistema Cybermind SVGA kasko bi dituena
• Wii bat
• Interakzioen kodifikazio eta erregistroko sistema (Noldus Observer XT 8.0)
• Ikerketako beste material eta software batzuk: Esperimentuen diseinua eta analisia (E-Prime); Estimuluen aurkezpeneko sistema (SuperLab), analisi estatistikoko programak (SPSS, LISREL, EQS, STATA, Gpower), Datascan datuak prozesatzeko.
• Ebaluazioko tresnen bankua 120 test eta galde-sorta baino gehiagorekin, bakoitzaren lizentzia eta guzti.
• Esku hartzeko tresnen bankua: errehabilitazio programak, esku hartzekoak, 27 koltxoneta lasaitzeko, jolasak eta haurrentzako materiala.