Deustuko Unibertsitateko Zuzenbide Fakultateko Lanbiderako Orientazio Zerbitzuak ikasleen zalantza handiei erantzuteko jarduerak eta ekitaldiak antolatu, koordinatu eta dinamizatzen ditu, bereziki ikasketen amaieran (zertan arituko naiz lanean? zer aukera eskaintzen dizkit nire graduak? zer hobetu behar dut nire CVan?), baina baita aurreko ikasturteetan ere.
Harremana
Lanbiderako Orientazio Zerbitzuak urtero antolatzen ditu zuen etorkizun profesionalarekin lotutako jarduerak.
Azken bi ikasturteetan ikaslea hainbat borondatezko jardueratara joan daiteke, Zuzenbide Fakultateari lotutako edozein titulaziok eskaintzen dituen aukera profesional nagusiak hobeto ezagutzeko eta eremu horietako profesionalekin zuzenean harremanetan jartzeko.
Sektore pribatuko irteera profesionala. Enplegatzaileen eta ikasleen arteko urteroko topaketa. Bertan, estatuko eta nazioarteko bulego nagusietako ordezkariek gaurkotasuneko gaiei buruz eztabaidatzen dute eta ikasleekin harremanetan jartzen dira hautagaitzak bilduz.
Sektore publikoko irteera profesionalak. Oposizioen munduari buruzko monografikoa, oro har oposizioen prestaketa eta bereziki kidego esanguratsuenak azaltzeko, hain zuzen ere:
1) Justizia, Erregistroak eta Notariotza
2) Ogasuna, Lana eta Gizarte Segurantza
3) Toki-, autonomia- eta estatu-administrazioa.
EBko erakundeetako aukera profesionalei buruzko monografikoa: enplegurako eta praktiketarako aukerak eta EPSO hautaketa-prozesuak.
Karrerako aholkularitza- edo mentoring-programa. Advisor edo mentore funtzioak betetzen dituen profesional bakoitzak 4 edo 5 ikasle edo adviseez osatutako taldea koordinatzen du, proiektu profesionala lantzen eta azken erabakia hartzen laguntzeko.
Topagune informal honetan ikasleek aukera dute bulego txiki/ertainetako ordezkariekin mahaia partekatu, kafe bat hartu eta testuinguru lasai batean abokatutzan jarduteari buruz hitz egiteko, zalantzak argituz: nola hasi abokatutzan?, zer-nolako aukerak daude?, zer ezaugarri baloratzen dira abokatu ona izateko?...
