Deustuko Unibertsitateko Zuzenbide Fakultateak 100 hitzarmen baino gehiago ditu mundu osoko unibertsitateekin. Urtero, kontinente guztietako ikasleak iristen dira Fakultateko ikasgeletara, eta campusa kultura anitzeko eta askotariko ingurune bihurtzen dute. Era berean, Deustuko ikasleak atzerrira joaten dira azken ikasturteetako irakasgaien zati bat beste unibertsitate batean egitera, hizkuntza eta ohitura desberdinetara egokituz, eta horrek, zalantzarik gabe, beren prestakuntza pertsonala eta akademikoa aberasten du.