Prácticas Universidad - Empresa

Logo ingenieria

Menua Cerrar explora esta sección Hamburguesa explora esta sección

200 enpresa baino gehiago

Praktikak enpresetan

Enpresako praktiketan, unibertsitateko ikasleek enpresa edo erakunde batean lanak edo proiektuak egiten dituzte, lanbideko esperientzia lortzeko eta ikasketetan jasotako ezagutzak aplikatzeko . Enpresako praktikak derrigorrezkoak edo borondatezkoak izan daitezke, titulazioaren arabera, eta haien iraupena azken ikasturteetako lauhileko batera mugatzen da.

Ikasturte guztietan, gure 200 ikasle inguruk praktikak egiten dituzte enpresan, lankidetzan aritzen garen erakunderen batean. Praktikak enpresaren eta ikaslearen arteko harremanetarako tresna arinak dira, eta askotan lan-munduarekin duten lehen harremana izaten da.

Contacto

FACULTAD DE INGENIERÍA

practicas.ingenieria@deusto.es

Grado: 944139394 

Posgrado: 944139208

 

Enpresa laguntzaileak

Acciona
Etxe-tar
catedra telefonica
iberdrola
Accenture
ITP
Teknei
mercedes vitoria
Sarralle
LKS
Siemens
optium
Ibermatica
inetum
vidrala
lantek
EACTDA
CAF
Alamo
Nworld

Praktikak

Ikasleentzat

null

Praktikak

Ikasleentzat

Enpresako praktikek esperientzia profesionalaeskaintzen diete gure ikasleei, hainbat arlo aztertzeko eta hainbat enpresa eta sektorek nola funtzionatzen duten ezagutzeko. Era berean, curriculuma hobetzen dute eta beren interesekin bat datozen enpleguak lortzeko aukera handiagoak dituzte. Askotan, unibertsitateko titulu bat lortzeko edo ikasketa programa bat osatzeko bete beharreko baldintza dira, eta lehen urrats erabakigarri dira lan-aukera hobeak lortzeko bidean.

Ikaslea bazara

Praktikak graduan zehar

Praktikak graduondokoan zehar

Eskaintza aktiboak – Kanpoko praktikak

Dokumentazioa

Atal honetan agertzen dira curriculumaren barruko eta kanpoko praktikak egiteko baldintzak, Ingeniaritza Fakultateko graduko ikasketetan. Curriculumaren barruko praktikak 4. mailako “Praktikak enpresetan” irakasgaiari lotuta doaz eta, curriculumetik kanpokoak, graduko bizitza akademikoko edozein momentutan egin daitezke.

Praktiketako ikaslearen eskuliburua

Atal honetan azpimarratzen dira praktikak egiteko eman beharreko urratsak: eskaera egin, praktikak egin eta bukatzea, indarrean dauden arauen arabera, Fakultateko graduondoko guztietan berdinak.

Kanpoko praktikak curriculumaren barrukoak izan daitezke eta “Praktikak enpresetan” izeneko irakasgaiari lotuta egon; curriculumetik kanpoko praktikak, ostera, ez daude irakasgai bati lotuta eta masterreko ikasketa guztietan zehar egin daitezke. 

Praktiketako ikaslearen eskuliburua

Praktiketako eskaintzak

Enpresa laguntzaileek praktiketako eskaintzak aldian-aldian bidaltzen dizkigute eta zerrenda eguneratua izaten dugu eskaintza aktiboekin, gure ikasleek kontsultatu ahal izan ditzaten (OpenDeusto kontuarekin saioa hasita). Gainera, praktikaren deskripzio labur bat argitaratzen dugu, zein titulaziotarako eskaintzen den, hizkuntza eskakizunak zeintzuk diren, GrALa/MALa egin daitekeen, laguntza poltsa eta zein egunetan hasten diren.

Sartu eskaintza aktiboen zerrendara – Kanpoko praktikak

Lehenengo pertsonan

Arrate Llaguno

Unibertsitateak garrantzi handia ematen dio enplegagarritasunari, eta praktikak zure lehentasunen eta interesen arabera pertsonalizatzeko aukera ematen du, esperientzia aberasgarria bermatzeko.

Arrate Llaguno

Graduduna

Iker Villena

Aurreko bi udetan oso sektore desberdinetako bi enpresatan egin ditut praktikak: Elkargin eta McKinseyn.

Iker Villena

Ingeniaritzako ikaslea

Ander

Praktikak Accenture-n egin ditut. Unibertsitateko eta enpresako tutoreen gertuko jarraipena azpimarratuko nuke, modu sendoan integratzen laguntzen digutelako eta ezagutzen garapena ahalik eta gehien sustatzen dutelako

Ander Gorostiaga

Graduduna

maier

Deustuk oso profil moldaerraza eskaintzen digu, maila teknikoan ez ezik gaitasunetan ere prestakuntza ona duena, eta hori gaurko eta etorkizuneko enpresarentzat oso interesgarria da.

Elena Sanchez

Erakunde Garapeneko kudeatzaile seniorra – Maier Koop. elkartea

INETUM

Deustuk eskatzen diren gaitasunetan prestakuntza eguneratua duen «harrobia» eskaintzen digu, errendimendu handiko taldeen buru izateko trebetasunak dituena.

Jose Antonio Echezarra

Zuzendari nagusia - Inetum Norte

ENPRESA BAT ZARA

null

ENPRESA BAT ZARA

Enpresako praktikak ezagutza eta trebetasun eguneratuak dituzten eta zure enpresari ideia freskoak eta energia eman diezaioketen gazteak kontratatzeko aukera bat dira, talentu gaztea identifikatzeko eta garatzeko bide zuzena.  

Gainera, gizarte erantzunkizun jakin batzuk betetzeko modu bat ere izan daitezke, azken batean gazteen prestakuntza eta enplegua garatzen laguntzeko aukera bat baitira.

Oro har, Deustun harro gaude gure ikasleek zuen taldeetan parte hartzen dutenean egiten duten lanarekin.

Enpresa bazara...

Zelan eskaini praktikak?

Enpresentzako dokumentuak

Prozedura

Zer egin beharko dute praktikak eskaintzeko interesa duten enpresa edo erakunde laguntzaileek?

Kanpoko praktiketako prestakuntza proiektuaren eskaintzako inprimakia bete. Dokumentuen atalean aurkituko dute. Horrez gain, Datuak Tratatzeko Kontratua ere bete beharko dute. 

Posta elektroniko honetara bidali beharko dute: practicas.ingenieria@deusto.es. Gure praktiken kudeatzaileak artatuko du eskaera eta CV batzuk bidaliko dizkio, beren beharrizanetara hoberen doitzen diren hautagaiak hautatu ditzan.
 

Ikaslea aukeratutakoan, enpresak praktiken kudeatzaileari jakinarazi beharko dio. Deustuko bi lanegunen buruan, Hezkuntzako Lankidetza arloak hitzarmen bat prestatuko du Deustuko Ingeniaritzaren eta enpresaren artean, indarrean halakorik ez badago, baita eranskin pertsonalizatu bat ere ikasle bakoitzarentzat (ikusi dokumentuen atala). Hitzarmena Informatikako Ingeniaritzako Hezkuntzako Lankidetzako arduradunak eta enpresan pareko ardura duenak sinatuko dute. Eranskinari dagokionez, hiru aletan sinatuko da eta kopietako bat ikaslearentzat izango da. Sinatutako kopiak ikasleak eman beharko ditu, bai enpresan eta bai Ingeniaritza Fakultateko Idazkaritzan.

Praktikaldian zehar, Hezkuntzako Lankidetza arloa ikaslearen tutorearekin harremanetan jarriko da, ikaslearen jarraipena egiteko.

Praktikak amaitutakoan, maiatzean zehar, eskola egutegian markatutako datetan, ikaslearen enpresako tutoreak ebaluazioko txosten bat eman beharko du. Ikasleak praktiketan zehar landu dituen gaitasunak balioetsiko ditu, zenbat ordu eskaini dizkien praktikei eta zer jarduera egin dituen azalduko du. Tutorearen ebaluazioa irakasgaiko kalifikazioaren atal garrantzitsua da, praktika curriculumaren barrukoa bada, eta ezinbesteko baldintza da ikasketa-espedientean erregistratzeko, curriculumetik kanpoko praktika bada. Konfidentziala izango da eta gutun-azal itxian joango da, tutoreak sinatuta eta zigilatuta.

Praktikaldia amaitutakoan, enpresak Praktiken Amaierako Txostena eman beharko du eta, eta nahi badu, Praktiken Amaierako Ziurtagiria (ikusi dokumentuen atala), ikasleak praktikak egin dituela justifikatzeko. Praktiken amaierako txostena garrantzizkoa da. Ikasleak praktikak egiten jarraitu dezake ebaluazio-aldia amaitu ondoren eta Fakultateak jakin egin behar du zein datatan irten den enpresatik.

Sinatutako hitzarmenean aldaketarik egonez gero, enpresak harremanetan jarri beharko du Hezkuntzako Lankidetza arloarekin. Hezkuntzako lankidetza hitzarmenen indarraldiaren azken eguna urte bakoitzeko abuztuaren 31 da (ikasturtearen azken eguna). Irailaren 1ean berritu egin behar dira ikasleen hitzarmenak, uda pasatu ondoren, enpresan egonaldia luzatzen badute.

Dokumentu honetan jasotzen da Enpresako praktiken prozedura