Facultad de IngenieríaForotech

Logo ingenieria

Menua Cerrar explora esta sección Hamburguesa explora esta sección

Etika eta teknologia jasangarritasunerako

Programa

Forotech-en aurtengo edizioaren gai nagusia Garapen Jasangarrirako 11. helburua izango da: Hiri eta komunitate jasangarriak. Helburu horrek dakarkigun erronka hauxe da: jasangarritasunez jokatzea hiriak eraikitzen, hiritar guztiek bizi kalitate duina izan dezaten eta hiriaren produkzio dinamikaren parte izan daitezen, oparotasuna eta gizarte egonkortasuna sortuz baina ingurumenari kalterik egin gabe.

Zergatik? Zein da munduko egoera?

  • Munduko biztanleen erdia, 3.500 milioi pertsona, hirietan bizi da gaur egun.
  • Munduko hiriek lurraren % 3 baino ez dute okupatzen, baina energia kontsumoaren % 60 eta % 80 bitartean bertan egiten da eta karbono isurketen % 75 ere bai.
  • Hirietako biztanleen % 90ek Osasunaren Mundu Erakundeak ezarritako arauak betetzen ez dituen airea arnasten dute.

 Ikusi NBEren Garapen Jasangarrirako 11. helburuaren (GJH) programa.
 

2021eko egitaraua

Egitarauak* hiru ardatz nagusi izango ditu:

  • Foro akademikoa
  • Enpresen foroa
  • Ikasleen foroa

 

*Laster egongo da ikusgai egitarau osoa.

Forotech + Deustu Ekintzaile

Aurtengo edizioko berrikuntzen artean, ForoTech-ek eta Deustu Ekintzailek elkarrekin lan egingo dute aurtengo Ingeniaritzako astea Bilboko, Gasteizeko eta Donostiako campusetara iritsi dadin eta ikasleek eta ekintzaileek parte hartzeko poza izan dezaten. Gainera, espazio bateratua sortuko dugu, bertan berrikuntza, proiektu ekintzaileek eta teknologiak bat egin dezaten GJH 11. Helburuaren inguruan (Hiri eta komunitate jasangarriak). Laster izango dugu argibide gehiago!

Forotech tailerrak

ForoTech 2021eko tailerrak

Urriaren 4tik 8ra ospatuko dugu Ingeniaritza eta Teknologiaren astea, ForoTech. Fakultatetik aste berezi hau antolatzen ari gara, DBHko eta Batxilergoko ikasleek teknologiak ezagutu ditzaten, era oso praktiko eta dinamikoan antolatu diren jarduera eta tailerretan parte hartuta. Forotech-en gazteek bokazio zientifiko eta teknologikoak sendotzeko jardueretan parte hartu eta gozatu ahal izango dute.

Eman nahi duzu izena? 

Zalantzarik izanez gero, jarri gurekin harremanetan. Idatzi informacion.ingenieria@deusto.es helbidera edo deitu 944 139 073 telefonora. Zain izango gaituzu!

Zelakoak izan ziren 2020an?

Trastea tailerrak

MOON: kalkuluko jokoa, bit eta ate logikoak dituena

Lehen Hezkuntzako 6. mailatik Batxilergoko 2. mailara bitarteko ikasleentzat.

Pentsamendu konputazionalak eguneroko arazoak konpontzeko prestatzen gaitu, konputagailuen logika aplikatuz. Mahai-joko eta programazioko erronkei esker, STEAM arloetako eta gazteen garapen pertsonal eta akademikoko testuinguruetan behar diren trebetasun eta abilezia aukera zabala lortu daitezke. MOON mahai-jokoaren bitartez, sistema bitarrean kontatzen ikasiko dugu, eragiketa logikoak eta matematikoak egiten, benetako ordenagailu batek egingo lukeen bezala (batuketa, kenketa, bit-ak biratu, bit-ak kopiatu, OR, AND, XOR bezalako ate logikoak).

DBHko 1. mailatik Batxilergoko 2. mailara bitarteko ikasleentzat.

Lempel pentsamendu konputazionala garatzeko joko bat da, algoritmia eta programazio hutsetik haratago doana. Gaur egungo gizartean, datuak arin bidaltzea eta tamaina hain garrantzizkoak direnez, informazio bera espazio txikiagoan (bit-etan) errepresentatzeko modua aurkitu behar da. Horregatik, eredu-ezagutzetan oinarrituta, joko honek gero eta zailagoak diren erronka batzuk proposatzen ditu. Parte hartzaileek testu kateak konprimitu beharko dituzte, informazioaren prozesamenduan sartu ahala.
 

Lehen Hezkuntzako 5. mailatik DBHko 2. mailara bitarteko ikasleentzat.

Scratch programazioko inguru bat da, programak era erraz eta intuitiboan idazteko modua ematen duena, programazioko ezagutzarik izan gabe. Scratch-ekin, ikasleak pertsonaiak, animazioak eta bideo-jokoak ere programatzen hasten dira. Jolastu, ikertu eta probatu egiten dute istorio bateko elementuak zelan programatu, interfaze grafiko erraz-erraz bat erabiliz. Scratch-ek lagundu egiten die gazteei era logiko eta sortzailean ikasten, baita taldean lan egiten ere.

Lehen Hezkuntzako 5. mailatik DBHko 1. mailara bitarteko ikasleentzat.

Kodetuk ikusizko programazioko erronka batzuk planteatzen ditu, gero eta zailtasun handiagokoak, programazioko aurretiazko ezagutzarik izan gabe. Kodeturen tailerrak egokiak dira programazioari lehenengoz aurre egiteko eta zentzumenak pentsamendu konputazionalera lehenengoz zabaltzeko.

DBHko 1. mailatik Batxilergoko 2. mailara bitarteko ikasleentzat.

Micro:bit txartel txiki programagarri bat da, sentsore eta eragingailu kopuru handia duena. Tailerrean ikasleek funtzionalitate ugari dituen gailu bat sortzen eta programatzen ikasten dute, jolaserako, neurketak egiteko edo melodiak sortzeko balio izan dezakeena.

null